Cottidie apud vos eram in templo docens et non me tenuistis et ecce flagellatum ducitis ad crucifigendum

Quibus juravi*

Synagoga populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Tu autem domine susceptor meus es gloria mea et exaltans caput meum

Eram quasi agnus innocens ductus ad immolandum et nesciebam consilium fecerunt inimici mei adversum me dicentes venite mittamus lignum in panem ejus et conteramus eum de terra viventium

Omnes inimici mei cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Dormite jam et requiescite ecce appropinquabit qui me traditurus est in manus peccatorum

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Pange lingua*

Simon dormis non potuisti una hora vigilare mecum

Accepto pane Judas tradidit dominum sicut promiserat principibus sacerdotum

Si male locutus sum perhibe testimonium si autem bene quid me caedis

Ait Pilatus mundae sunt manus meae a sanguine hujus justi vos videritis

Joseph ab Arimathia petiit corpus Jesu et sepelivit eum in sepulcro suo

Sepulto domino signatum est monumentum ponentes milites qui custodirent eum

Ingressus Pilatus*

Factus Jesus in agonia prolixus orabat et factus est sudor ejus sicut guttae sanguinis decurrentis in terra

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Homo pacis meae in quo speravi R. Qui edebat panes meos ampliavit super*

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Collegerunt pontifices et pharisaei concilium

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

Tristis est anima mea usque ad mortem sustinete hic et vigilate mecum nunc videbitis turbam quae circumdabit me vos fugam capietis et ego vadam immolari pro vobis

Vigilate et orate ut non intretis in tentationem

Liberabit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam tuam

Ab insurgentibus in me libera me domine R. Quia occupaverunt animam meam

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse abstulit et peccata nostra ipse portavit

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapside hic me traditurus est in manus peccatorum

Ecce turba et qui vocabatur Judas venit et dum appropinquaret ad Jesum ut eum oscularetur Jesus dixit ad eum Juda osculo tradis filium hominis ad crucifigendum

Filius quidem hominis vadit sicut scriptum est de illo vae autem homini illi per quem tradetur

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Deus meus eripe me de manu peccatoris R. Et de manu*

Amicus meus osculi me tradidit signo quem osculatus fuero ipse est tenete eum hoc malum fecit signum qui per osculum adimplevit homicidium infelix praetermisit pretium sanguinis et in fine laqueo se suspendit

Melius illi fuisset si natus non fuisset homo ille

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

Fiat mensa eorum coram ipsis in laqueum et in retributiones et in scandalum

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quod in pectore non habeas

Verax datur fallacibus pium flagellat impius

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Traditor autem dedit eis signum dicens quem osculatus fuero ipse est tenete eum

Kyrie eleison*

Qui prophetice prompsisti ero mors tua o mors

Domine miserere*

Christus dominus factus est oboediens usque ad mortem

Kyrie eleison*

Qui passurus advenisti propter nos*

Domine miserere*

Christus dominus*

Kyrie eleison*

Qui expansis in cruce manibus traxisti omnia ad te saecula

Domine miserere*

Christus dominus*

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem accepit Jesus panem benedixit ac fregit dedit discipulis suis

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea R. Et super vestem meam*

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Caligaverunt oculi mei a fletu meo quia elongabitur a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Filius quidem hominis vadit sicut scriptum est de illo vae autem homini illi per quem tradetur

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui R. Et mentita est iniquitas

Jesum tradidit impius summis principibus sacerdotum et senioribus populi Petrus autem sequebatur a longe ut videret finem

Et ingressus Petrus in atrium principis sacerdotum

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Astiterunt reges terrae et principes convenerunt in unum

Barabbas latro dimittitur et innocens Christus occiditur nam et Judas armiductor sceleris qui per pacem didicit facere bellum osculando tradidit dominum Jesum Christum

Ecce turba et qui vocabatur Judas venit et dum appropinquaret ad Jesum

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabant

Locuti sunt adversum me lingua dolosa R. Et sermonibus odii circumdederunt me