In conspectu gentium nolite metuere vos enim in cordibus vestris adorate et timete dominum angelus enim ejus vobiscum est

Nolite timere opprobria hominum et blasphemias eorum ne metuatis

In conspectu angelorum psallam tibi et adorabo ad templum sanctum tuum et confitebor nomini tuo domine

Deus meus es tu et confitebor tibi deus meus es tu et exaltabo te

Stetit angelus juxta aram templi habens thuribulum aureum in manu sua et data sunt ei incensa multa et ascendit fumus aromatum de manu angeli in conspectu domini

Data sunt ei incensa multa ut adoleret ea ante altare

Gloria*

Concussum est mare et contremuit terra ubi archangelus Michael descendebat de caelo

Adorate dominum alleluia omnes angeli ejus alleluia

Laudemus dominum quem laudant angeli qui cherubim et seraphim sanctus sanctus sanctus proclamant

Michael et angeli ejus pugnabant cum diabolo et ille hostis antiquus victus est ab eo

Data sunt ei incensa multa ut adoleret ea ante altare aureum quod est ante oculos domini

Sancte Michael archangele defende nos in proelio ut non pereamus in tremendo judicio

Data sunt ei incensa multa R. Ut adoleret ea ante altare aureum quod est ante oculos domini

Michael et angeli ejus pugnabant cum diabolo et ille hostis antiquus victus est ab eo

Dum proeliaretur Michael archangelus cum dracone audita est vox dicentium salus deo nostro

Archangeli Michaelis interventione suffulti te domine deprecamur ut quos honore prosequimur contingamus et mente

Perpetuum nobis domine tuae miserationis praesta subsidium quibus et angelica praestitisti suffragia non deesse

Nunc facta est salus et virtus et regnum deo nostro et potestas Christo ejus quia projectus est accusator fratrum nostrorum qui accusabat illos ante conspectum dei nostri die ac nocte

Propterea laetamini caeli et qui habitatis in eis

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicentes

Gloria patri et filio et spiritui sancto

Archangeli Michaelis interventione suffulti te domine deprecamur ut quos honore prosequimur contingamus et mente alleluia

Ascendit fumus aromatum in conspectu domini R. De manu angeli

Docebo te quae ventura sunt populo tuo in novissimis diebus et annuntiabo tibi quod expressum est in scripturis veritatis et nemo est adjutor meus in omnibus his nisi Michael archangelus princeps vester

Ex die qua posuisti cor tuum ad intellegendum ut te affligeres in conspectu domini exaudita sunt verba tua et ego veni propter sermones tuos

In tempore illo consurget Michael qui stat pro filiis vestris et veniet tempus quale non fuit ex eo ex quo gentes esse coeperunt usque ad tempus illud

In tempore illo salvabitur populus tuus omnis qui inventus fuerit scriptus in libro

Numquid scis quare venerim ad te et nunc revertar ut proelier adversus principem Persarum contradicentem tuis precibus et meae legationi verumtamen Michael archangelus princeps magnus qui stat pro filiis populi tui erit adjutor meus

Princeps regni Persarum restitit mihi viginti et uno diebus

Fidelis sermo et omni acceptione dignus Michael archangelus qui pugnavit cum diabolo gratia dei victor exstitit et ille hostis antiquus passus est ruinam magnam

Factum est silentium in caelo dum committeret bellum draco cum Michaele archangelo

Gloria*

Dum proeliaretur Michael archangelus cum dracone audita est vox dicentium salus deo nostro alleluia

Stetit angelus juxta aram templi

Habens thuribulum aureum in manu sua

Ascendant nostrae*

Adorate dominum R. Omnes angeli ejus

Factum est silentium in caelo dum draco committeret bellum et Michael pugnavit cum eo et fecit victoriam alleluia

Dum committeret bellum draco cum Michaele archangelo audita est vox milia milium dicentium salus deo nostro

Michael Gabriel cherubim et seraphim hi non cessant clamare cottidie dicentes dignus es domine accipere gloriam alleluia

Stetit angelus*

Angeli domini domino benedicite in aeternum

Data sunt ei incensa*

Angeli archangeli throni et dominationes principatus et potestates virtutes caelorum laudate dominum de caelis alleluia

Stetit angelus*

Ascendit*

Michael archangelus*

Michael praepositus*

Gloriosus apparuisti in conspectu domini

Propterea decorem induit te dominus

Mysteriorum*

In conspectu angelorum*

Stetit angelus juxta aram templi habens thuribulum aureum in manu sua et data sunt ei incensa multa et ascendit fumus aromatum in conspectu domini de manu angeli

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo regnabunt in aeternum

Laudem dicite deo nostro omnes sancti ejus et qui timetis deum pusilli et magni quoniam regnabit dominus deus noster omnipotens gaudeamus et exsultemus et demus gloriam ei

O quam gloriosum est regnum in quo cum Christo regnant omnes sancti amicti stolis albis sequuntur agnum quocumque ierit

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Beata vere*

Christum rogemus*

Justi in perpetuum vivent R. Et apud dominum est merces eorum

Salvator mundi salva nos omnes sancta dei genetrix virgo semper Maria ora pro nobis precibus quoque sanctorum apostolorum martyrum et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur

Regem regum dominum venite adoremus quia ipse est corona sanctorum omnium

Aeterna Christi*

Novit dominus viam justorum qui in lege ejus meditantur die ac nocte

Mirificavit dominus sanctos suos et exaudivit eos clamantes ad se

Admirabile est nomen tuum domine quia gloria et honore coronasti sanctos tuos et constituisti eos super opera manuum tuarum

Domine qui operati sunt justitiam habitabunt in tabernaculo tuo et requiescent in monte sancto tuo

Haec est generatio quaerentium dominum quaerentium faciem dei Jacob

Laetamini in domino et exsultate justi et gloriamini omnes recti corde

Exsultent justi in conspectu dei R. Et delectentur in laetitia

In principio erat verbum et verbum erat apud deum et deus erat verbum hoc erat in principio apud deum omnia per ipsum facta sunt et sine ipso factum est nihil

Quod factum est in ipso vita erat et vita erat lux hominum

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuam commemorationem

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicentes

Inter natos mulierum non surrexit major Joanne Baptista qui viam domino praeparavit in eremo

Fuit homo missus a deo cui nomen Joannes erat

Gloria patri*

Timete dominum omnes sancti ejus quoniam nihil deest timentibus eum ecce oculi domini super justos et aures ejus in preces eorum

Domine spes sanctorum et turris fortitudinis eorum dedisti hereditatem timentibus nomen tuum et inhabitabunt in tabernaculo tuo in saecula

Beati quos elegisti domine habitabunt in atriis tuis etenim clamabunt et hymnum dicent

Domine deus virtutum beati omnes qui sperant in te non privabis bonis eos qui ambulant in aequitate in saecula saeculorum laudabunt te

Laudem dicite*

O quam gloriosum*

Justorum animae in manu dei sunt R. Et non tanget illos*

Qui sunt isti qui ut nubes volant et quasi columbae ad fenestras suas

Candidiores nive nitidiores lacte rubicundiores ebore antiquo

Laverunt stolas suas et candidas eas fecerunt in sanguine agni

Isti sunt qui venerunt ex magna tribulatione et laverunt stolas suas

Sint lumbi vestri praecincti et lucernae ardentes in manibus vestris et vos similes hominibus exspectantibus dominum suum quando revertatur a nuptiis

Vigilate ergo quia nescitis qua hora dominus vester venturus sit

Offerrentur regi virgines domino post eam proximae ejus offerrentur tibi in laetitia et exsultatione

Prudentes virgines aptate lampades vestras ecce sponsus venit exite obviam ei

Gloria*

Sanctum est verum*

Gloriosus deus in sanctis suis*

Justorum animae in manu dei sunt et non tanget illos tormentum malitiae