Tradiderunt corpora sua propter deum ad supplicia et meruerunt habere coronas perpetuas

Immania enim pro Christo in suis corporibus pertulerunt tormenta

Sancti tui domine mirabile consecuti sunt iter servientes praeceptis tuis ut invenirentur illaesi in aquis validis terra apparuit arida et in mari Rubro via sine impedimento

Victricem manum tuam laudaverunt pariter et decantaverunt domine nomen sanctum tuum

Gloria patri*

Via justorum recta facta est et iter sanctorum praeparatum est

Justi autem in perpetuum vivent et apud dominum est merces eorum

Justorum autem animae in manu dei sunt et non tanget illos tormentum malitiae

Fulgebunt justi sicut sol in regno patris eorum alleluia

Dabo sanctis meis locum nominatum in regno patris mei dicit dominus

Sancti per fidem vicerunt regna operati sunt justitiam adepti sunt promissiones

Justorum animae in manu dei sunt R. Et non tanget illos tormentum malitiae

Verbera carnificum non timuerunt sancti dei morientes pro Christi nomine ut heredes fierent in domo domini

Tradiderunt corpora sua propter deum ad supplicia

Haec est vera fraternitas quae numquam potuit violari certamine qui effuso sanguine secuti sunt dominum contemnentes aulam regiam pervenerunt ad regna caelestia

Ecce quam bonum et quam jucundum habitare fratres in unum

Propter testamentum domini et leges paternas sancti dei perstiterunt in amore fraternitatis quia unus fuit semper spiritus in eis et una fides

Memoria eorum non derelinquetur et nomen eorum in aeternum manet

Justi in perpetuum vivent et apud dominum est merces eorum et cogitatio illorum apud altissimum ideoque accipient regnum decoris de manu domini

Deus tentavit illos et invenit eos dignos se

Gloria patri*

Isti sunt sancti qui pro dei amore minas hominum contempserunt sancti martyres in regno caelorum exsultant cum angelis o quam pretiosa est mors sanctorum qui assidue assistunt ante dominum et ab invicem non sunt separati

Gloriosus deus in sanctis suis R. Mirabilis in majestate sua

Sancti per fidem vicerunt regna operati sunt justitiam adepti sunt promissiones et fortes facti sunt in bello omnes enim testimonio fidei probati sunt

Castra verterunt exterorum effugarunt aciem gladii

Corpora sanctorum in pace sepulta sunt et nomina eorum vivent in generatione et generatione

Sapientiam eorum narrant populi et laudem eorum pronuntiat ecclesia

Justorum animae in manu dei sunt et non tanget illos tormentum malitiae alleluia alleluia

Visi sunt oculis insipientium mori illi autem sunt in pace

Gloria patri et filio et spiritui sancto

Laverunt stolas suas et candidas eas fecerunt in sanguine agni alleluia alleluia alleluia

Isti sunt qui venerunt ex magna tribulatione et laverunt stolas suas

Gloria patri et filio et spiritui sancto

Sancti martyres quanta passi sunt tormenta ut securi pervenirent ad palmam martyrii

Exsultent justi in conspectu dei

Et delectentur in laetitia

Traduntur igni*

Justi in perpetuum vivent R. Et apud*

Fulgebunt justi et tamquam scintillae in arundineto discurrent judicabunt nationes et regnabunt in aeternum

Cum palma ad regna pervenerunt sancti coronas decoris meruerunt de manu dei

Corpora sanctorum in pace sepulta sunt et vivent nomina eorum in aeternum

Exsultent justi*

Martyres domini dominum benedicite in aeternum

Justorum animae*

Martyrum chorus laudate dominum alleluia

Gloriosus deus*

Si coram hominibus tormenta passi sunt spes electorum est immortalis in aeternum

Tamquam aurum in fornace probavit electos dominus et quasi holocausti hostiam accepit illos

Istorum est enim regnum caelorum qui contempserunt vitam mundi et pervenerunt ad praemia regni et laverunt stolas suas in sanguine agni

Via justorum*

Sancti tui domine*

Aeterna Christi*

Justi in perpetuum vivent*

Tradiderunt corpora sua ad supplicia ideo coronantur et accipiunt palmas

Amavit eum dominus et ornavit eum

Stola gloriae induit eum

Jesu corona celsiorum*

Ecce sacerdos magnus R. Qui in diebus suis placuit deo et inventus est justus

Similabo eum viro sapienti qui aedificavit domum suam supra petram

Regem confessorum dominum venite adoremus

Jesu corona*

Beatus vir*

Justum deduxit dominus per rectas R. Et ostendit*

Euge serve bone et fidelis quia super pauca fuisti fidelis supra multa te constituam intra in gaudium domini tui alleluia

Domine quinque talenta tradidisti mihi ecce alia quinque superlucratus sum

Ecce sacerdos magnus qui in diebus suis placuit deo ideo jurejurando fecit illum dominus crescere in plebem suam alleluia

Benedictionem omnium gentium dedit illi et testamentum suum confirmavit super caput ejus

Juravit dominus et non paenitebit eum tu es sacerdos in aeternum secundum ordinem Melchisedech alleluia alleluia

Dixit dominus domino meo sede a dexteris meis

Iste sanctus digne in memoriam vertitur hominum qui ad gaudium transiit angelorum quia in hac peregrinatione solo corpore constitutus cogitatione et aviditate in illa aeterna patria conversatus est alleluia alleluia

Vinculis carnis absolutus talentum sibi creditum domino suo cum lucro reportavit

Gloria patri*

Domine iste sanctus*

Amavit eum dominus et ornavit eum R. Stolam gloriae induit eum

Posui adjutorium super potentem et exaltavi electum de plebe mea manus enim mea auxiliabitur ei alleluia alleluia

Inveni David servum meum oleo sancto meo unxi eum

Inveni David servum meum oleo sancto meo unxi eum manus enim mea auxiliabitur ei alleluia

Nihil proficiet inimicus in eo et filius iniquitatis non apponet nocere ei

Amavit eum dominus et ornavit eum stola gloriae induit eum et ad portas paradisi coronavit eum alleluia

Induit eum dominus lorica fidei et ornavit eum

Fidelis namque ac prudens dispensator in magni patris familias domo constitutus erat ut conservis suis in tempore mensuram trititiae rogaret

Pro salute et augmento gregis sibi commissi cura pervigili sollicitus erat

Gloria patri*

Amavit eum dominus et ornavit eum stola gloriae induit eum et ad portas paradisi coronavit eum

Justus ut palma florebit R. Sicut cedrus Lybani multiplicabitur

Magnificavit eum in conspectu regum et dedit illi coronam gloriae alleluia

Statuit illi testamentum sempiternum et beatificavit illum

Justum deduxit dominus per vias rectas et ostendit illi regnum dei et dedit illi scientiam sanctorum honestavit illum in laboribus suis alleluia

Magnificavit eum in conspectu regum et dedit illi coronam gloriae

Beatus vir qui inventus est sine macula qui post aurum non abiit nec speravit in thesauris pecuniae ideo stabilita sunt bona illius in domino alleluia alleluia alleluia

Potuit enim transgredi et non est transgressus facere mala et non fecit

Sint lumbi vestri praecincti et lucernae ardentes in manibus vestris et vos similes hominibus exspectantibus dominum suum quando revertatur a nuptiis

Vigilate ergo quia nescitis qua hora dominus vester venturus sit

Gloria patri et filio et spiritui sancto

Ecce sacerdos magnus qui in diebus suis placuit deo et inventus est justus

Justum deduxit dominus per vias rectas

Et ostendit illi regnum dei

Te Christe rex*

Ecce sacerdos magnus R. Qui in diebus suis placuit deo et inventus est justus

Euge serve bone et fidelis quia super pauca fuisti fidelis supra multa te constituam dicit dominus