Jesu corona virginum*

Adducentur regi virgines post eam R. Proxime ejus afferentur tibi

O felix Germania tam decoro germine virginum ornata beata Colonia pretioso sanguine martyrum dicata vere juste tu laetaris quae thesauro super aurum nobili ditaris

Regem regum dominum venite adoremus quia ipse est corona sanctarum virginum

Jesu corona virginum*

Nova bella virginum dominus elegit ab extremis hominum quas sibi collegit

Pugnant sexu fragiles caelitus imbutae sed insuperabiles fidei virtute

Beata militia quae pro rege gloriae de mundi malitia triumphavit hodie

Non armis sed animis istas bellatrices efficit unanimis gratia victrices

Fortiores hostibus feminae fuerunt quae contemptis omnibus omnia vicerunt

Unus enim spiritus acies caelestes fidei divinitus adunavit testes

Prudentes virgines R. Acceperunt oleum in vasis suis

Deo noto fuit nata placens cunctis deo grata Ursula regalis cujus mirae speciei plus mirandae fidei non erat aequalis

Regi magno pulchra nimis desponsatur dum instatur precibus et minis

Virgo desiderium habens castitatis meditatur et miratur rem quasi mysterium suae voluntatis

Deo secum disponente quod tractabat firmamente

Dum statutum nuptiis acceptis induciis tempus praerogatur pro undenis milibus votis consimilibus classis praeparatur

Duce regis filia haec ducuntur milia et unam sequuntur

Apparatu navium decenter expleto ad salutis bravium omnes cursu laeto virgines anhelant nec quod votis gestiunt aliis revelant

Ludere se simulant pelago vagantur invicem se stimulant pariter hortantur

Gloria patri et filio et spiritui sancto

Sponsi currit in odore jucunda societas quam attraxit ex amore praegustata suavitas

Ut rosae tot milia rutilant cruore et florent ut lilia niveo candore

His caelestis paradisus adornata floribus angelorum mulcet visus delectat odoribus

Digne gaudent homines angeli laetantur dum victrices virgines caelo coronantur

Iste regi gloriae carae margaritae inventae sunt hodie longius quaesitae

Quae dum piis mentibus oleum sumpserunt sponso cum prudentibus obviam ierunt

Media nocte clamor factus est R. Ecce sponsus venit exite obviam ei

Visionis Ursulae caelitus ostensae sacramento credulae simul inoffensae agone percurso confidunt participes fieri coronae

Caritate vulneratae mori Christo sunt paratae

Opportuni temporis sic hora captata terga findit aequoris juventus optata datis vento ratibus et velis inflatis

Advehuntur litori quo se Rhenus aequori Serenus infundit

Navigantes inde sursum contra Rheni tendunt cursum petentes coloniam per oraculum caelitus edoctae

Germaniam visurae suae locum sepulturae redeunt maturae

Sanctis Romae visitatis repetunt Germaniam ubi cunctis jam vastatis Hunorum insaniam infusam reperiunt insuper Coloniam hostibus conclusam

Dira saevit vastitas his in malis virginalis non formidat castitas

Gloria patri et filio et spiritui sancto

Gaudeat ecclesia quam tot natalitia virginum fecundam insignes victoriae fragiles militiae faciunt jucundam

Tunc surrexerunt omnes virgines illae R. Et ornaverunt lampades suas

Ad locum certaminis ductu Rheni fluminis subito feruntur datae porcis margaritae lupis oves non invitae passim feriuntur

Felix locus tam decora quem sacrarunt corpora

Isti sunt flores hodie de terra succisi complantati liliis virent in deliciis florum paradisi

Electus ex milibus inter ista pascitur lilia dilectus

Iste sunt terribiles ut castrorum acies omnes ordinatae quae tonsarum similes ascenderunt sanguinis unda dealbatae

Ut columbae lacte lotae sic revera pulchre totae

Beata vere mater ecclesia quam sic honor divinae dignationis illuminat quam victoriosorum gloriosus martyrum sanguis exornat quam inviolatae confessionis candida induit virginitas

Floribus ejus nec rosae nec lilia desunt

Gloria patri et filio et spiritui sancto

Sol novus ab insula surgit occidentis dum virtutum Ursula fulget incrementis

Unguentum effusum nomen tuum domine

Ideo adolescentulae dilexerunt te nimis

Adducentur regi virgines*

Benedictus es rex gloriae qui palmam victoriae dedisti fragilibus et sexum sine viribus vincere fecisti daemonis virtutem quarum pie precibus nobis supplicantibus tribuas salutem

Haec puellae regiae sponsi commensales agni tympanistriae angelis aequales

Hi sunt flores venustatis quos spirantis gratiae ver et aestas caritatis produxerunt hodie

Media nocte clamor factus est ecce sponsus exite obviam ei

Istarum collegio caeli vernat regio fulcitur ecclesia paradisus fragrat mundus redimitur

Tunc surrexerunt*

O quam pulchra virginum casta generatio quas auctoris criminum non vicit ex actio

Quid in istis nisi choros videtis castrorum quae non norunt viri toros hostes vitiorum

In odore tuo Christe sic ad poenas currunt iste ut quasi deliciis gaudeant suppliciis

Gustaverunt et viderunt quod dulcis es domine et libenter impenderunt se pro tuo nomine

Offerrentur virgines Christo regi domino

In laetitia et exsultatione*

Adducentur regi virgines post*

O flos campi et lilium convallium Jesu Christe qui es sponsus et amor virginum quam jucundum interesse tuo semper conspectui quem laudantes prosequuntur virginales cunei ubi dulcis resonat melodia virgo Ursula simul cum Thamaria et frequenter ingeminat tibi Christe sit laus et gloria

Muliebrem ad ornatum mundum acceperunt et ad verum et beatum regem intraverunt

Prudentes virgines R. Acceperunt oleum in vasis suis

Bernardus doctor inclytus caelos conscendit hodie quem attraxit divinitus splendor paternae gloriae

Verus pudicitiae auctor et custos virginitatis qui ex virgine natus multos excitasti ad sanctum amorem castitatis animos qui es perpes corona virginum per merita earum nos adjuva

Fons vitae et origo totius bonitatis duc nos ad portum salutis

Gloria patri et filio et spiritui sancto

Virginis virginum genitae totus desiderabilis specie quam dulciter amatrices adamasti quas in te transformatas clam sub arrasti has aureo laro se adorans cum liliacea

-oni sator forma finis nos prece virginea super nivem dealbatos trahe in aetherea

Gloria patri et filio et spiritui sancto

Haec est dies quam fecit dominus hodie dominus afflictionem populi sui respexit et redemptionem misit hodie mortem quam femina intulit femina fugavit hodie deus homo factus id quod fuit permansit et quod non erat assumpsit ergo exordium nostrae redemptionis devote recolamus et exsultemus dicentes gloria tibi domine

Animarum cibus dei sapientia nobis carnem assumptam proposuit in edullium ut per cibum humanitatis invitaret ad gustum divinitatis

Discipulis competentem conscribens hereditatem sui memoriam commendavit inquiens hoc facite in meam commemorationem

Totum Christus se nobis exhibet in cibum ut sicut divinitus nos reficit quem corde gustamus ita nos humanitus reficiat quem ore manducamus

Ut sic de visibilibus ad invisibilia de temporalibus ad aeterna de terrenis ad caelestia de humanis ad divina nos transferrat

Homo quidam*

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes replens bonis fastidiosos divites dimittens inanes

Omnes devoti pariter jubilare venite Christo qui toti mundi dat pascua vitae

Fructum salutiferum gustandum dedit dominus mortis suae tempore

A fructu frumenti vini multiplicati fideles in pace Christi requiescunt

In communione calicis quo deus ipse sumitur non vitulorum sanguine congregabit nos dominus

Memor sit dominus sacrificii nostri et holocaustum nostrum pingue fiat

Paratur nobis mensa domini adversus omnes qui tribulant nos

In voce exsultationis resonant epulantes in mensa domini

Verbum caro factum est R. Et habitavit in nobis

Immolabit haedum multitudo filiorum Israel ad vesperam paschae et edent carnes et azymos panes

Pascha nostrum immolatus est Christus itaque epulemur in azymis sinceritatis et veritatis

Comedetis carnes et saturabimini panibus iste est panis quem dedit vobis dominus ad vescendum

Non Moyses dedit vobis panem de caelo sed pater meus dat vobis panem de caelo verum

Respexit Elias ad caput suum sub cinericium panem qui surgens comedit et bibit et ambulavit in fortitudine illius cibi usque ad montem dei

Quicumque manducaverit ex hoc vivet in aeternum

Panis quem ego dabo caro mea est pro mundi vita litigabant ergo Judaei dicentes quomodo potest hic nobis dare carnem suam ad manducandum

Locutus est populus contra dominum anima nostra nauseat super cibo isto levissimo

Gloria patri et filio et spiritui sancto

Introibo ad altare dei sumam Christum qui renovat juventutem meam