Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster dirupit

Ante cujus conspectum mors fugit ad cujus vocem mortui resurgunt videntes autem eum portae mortis confractae sunt

O vos omnes qui transitis per viam attendite et videte si est dolor similis sicut dolor meus

Attendite universi populi et videte dolorem meum

Ecce quomodo moritur justus et nemo percipit corde et viri justi tolluntur et nemo considerat a facie iniquitatis ablatus est justus et erit in pace memoria ejus

In pace factus est locus ejus et in Sion habitatio ejus

Deus adjuvat me et dominus susceptor est animae meae

In pace factus est locus ejus et in Sion habitatio ejus

Factus sum sicut homo sine adjutorio inter mortuos liber

Collocavit me in obscuris Sicut mortuos saeculi

Aestimatus sum cum descendentibus in lacum factus sum sicut homo sine adjutorio inter mortuos liber

Et sicut vulnerati dormientes projecti in monumentis quorum non es memor amplius et ipsi de manu tua repulsi sunt

Sicut ovis ad occisionem ductus est et dum male tractaretur non aperuit os suum traditus est ad mortem ut vivificaret populum suum

Tradidit in morte animam et inter sceleratos reputatus est

Agnus dei Christus immolatus est pro salute mundi nam de parentis protoplasti fraude facta condolens quando pomi noxialis morte morsu corruit ipse lignum tunc notavit damna ligni ut solveret

LACUNA

Cumque carnifices apostolorum ducerent ut crucifigeretur concursus factus est populorum clamantium justus homo et amicus dei quid fecit ut ducatur ad crucem at ille rogabat populis ut non impedirent passionem ejus

In omnem terram exivit*

Dum perambularet dominus supra mare secus littus Galilaeae vidit Petrum et Andream retia mittentes in mare vocavit eos dicens venite post me faciam vos piscatores hominum

Erant enim piscatores et ait illis

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largitorem

Ad unius jussionis vocem Petrus et Andreas relictis retibus secuti sunt redemptorem

Homo dei ducebatur ut crucifigerent eum populus autem clamabat voce magna dicens innocens ejus sanguis sine causa damnatur

Cumque carnifices ducerent eum et crucifigeretur factus est concursus populorum clamantium et dicentium

Cum pervenisset beatus Andreas ad locum ubi crux parata erat videns eam a longe exclamabat voce magna dicens salve crux quae in corpore Christi dedicata es et ex membris ejus tamquam margaritis ornata

Antequam te ascenderet dominus noster o beata crux timorem terrenum habuisti modo a te caelestem timorem possidens pro voto susceperis

Amator tuus semper fui et desideravi te amplecti o bona crux

Constitues*

Nimis honorati*

O bona crux quae decorem et pulchritudinem de membris domini suscepisti accipe me ab hominibus et redde me magistro meo ut per te me recipiat qui per te me redemit

Salve crux quae in corpore Christi dedicata es et ex membris ejus tamquam margaritis ornata

Doctor bonus et amicus dei Andreas ducitur ad crucem aspiciens a longe vidit crucem salve crux suscipe discipulum ejus qui pependit in te magister meus Christus

Cum vero pervenisset ad locum ubi crux parata erat videns eam a longe exclamavit voce magna dicens

Oravit sanctus Andreas dum respiceret caelos voce magna clamavit et dixit tu es deus meus quem vidi ne me patiaris ab impio judice deponi quia virtutem sanctae crucis agnovi

Tu es magister meus Christe quem dilexi quem cognovi quem confessus sum tantummodo in ista voce exaudi me

Accedentes carnifices (...)

Omnis interea populus conclamabat dicens virum sanctum pudicum ornatum moribus bonum doctorem pium modestum rationabliem non debere hoc pati sed debete de cruce deponi

Tunc sanctus Andreas ait jam regem meum video jam adoro jam in ejus conspectu consisto

Nimis honorati*

Dedisti hereditatem*

Expandi manus meas tota die in cruce ad populum non credentem sed contradicentem mihi qui ambulat vias non bonas sed post peccata sua

Deus ultionum dominus deus ultionum libere egit exaltare qui judicas terram redde retributionem superbis

Dilexit Andream dominus in odorem suavitatis dum penderet in cruce dignum sibi computavit martyrem quem vocavit apostolum dum esset in mari et ideo amicus dei appellatus est

Elegit eum dominus et excelsum fecit illum

Vir iste in populo suo mitissimus apparuit sanctitate autem et gratia plenus iste est qui assidue orat pro populo et pro civitate ista

Pro eo ut me diligerent detrahebant mihi ego autem orabam

Te deum (...)

Salve crux pretiosa suscipe discipulum ejus qui pependit in te magister meus Christus

Videns Andreas crucem cum gaudio dicebat quia amator tuus semper fui et desideravi amplecti te o bona crux

Beatus Andreas orabat dicens domine rex aeternae gloriae suscipe me pendentem in patibulo

Biduo vivens pendebat in cruce pro Christi nomine beatus Andreas et docebat populum

Qui persequebatur justum demersisti eum domine in infernum et in ligno crucis dux justi fuisti

Gaude*

Dedisti hereditatem*

Videntibus cunctis splendor (...)

Ego si patibulum crucis expavescerem crucis gloriam non praedicarem

Cum pervenisset beatus Andreas ad locum ubi crux parata erat exclamavit et dixit o bona crux diu desiderata et jam concupiscenti animo praeparata securus et gaudens venio ad te ita ut et tu exsultans suscipias me discipulum ejus qui pependit in te

Concede nobis hominem justum redde nobis hominem sanctum ne interficias hominem deo carum justum mansuetum et pium

Non me permittas domine famulum tuum a te separari tempus est ut commendes terrae corpus meum

Dignum sibi dominus computavit martyrem quem vocavit apostolum dum esset in mari alleluia

Gaude*

Vir iste*

Dilexit Andream dominus*

Maximilla Christo amabilis tulit corpus apostoli optimo loco cum aromatibus sepelivit

Barbara virgo dei virtute probata tropei igne flagrans fidei sacrat hujus festa diei

Virgo fide sana de stirpe creata profana gaudia mundana postponit et idola vana

Carceris horrore roseo perfusa cruore lampadis ardore patitur cruciata dolore

Ubere truncata vestimentis spoliata haec decollata transcendit regna beata

Virgo morte bona vitae redimita corona justitiae zona praecingi nos prece dona

Gratuletur ecclesia laudum promat praeconia cantu testetur gaudia ad Barbarae sollemnia

Barbara laudanda pro Christo virgo necanda clemens implorat et sponsum dulciter orat dicens his qui te laudant sit gloria vite ac hi salventur qui me venerando fatentur

Vox quae superna datur a qua votum solidatur

Gloria patri et filio et spiritus sancto

Virginis sollemnia recolamus laudibus cujus et preconia refovemus vocibus signis Sion filia polles et virtutibus da impetrata gaudia prece rogantibus ut fruamur gloria tecum in caelestibus

Promat vota chorus psalmis jubilisque canoris in superum castris pia Barbara plus micat astris

Generosis est edita sed paganis parentibus Barbara fide vita enitet et moribus

In aetate tenera coepit caste vivere Christo servit libera corde ore opere

Natam pater impius cogit ad conubium artat dei nescius fanum ad sacrificium Christo vero verius se dat offertorium

Barbara virgo micat illustri stirpe creata cui laudes dicat sua gens et carmina grata

Per quam salvari credit secumque locari

Forma decusque datur hinc turris patre paratur in qua firmatur a cunctis ne videatur

Quam deus ornavit specie natura beavit

A patre formari jam bina fenestra jubetur sed pia nata pari jubet ut sic trina paretur

Per quas esse deum trinum demonstrat et unum

Frequens natatoria Christi virgo meminit manu signans marmora signum crucis imprimit quae fugat daemonia et languores reprimit

Abscidam ingreditur in qua sacer fons fluit signum pedis scribitur quod peccata diluit

Hic fons par efficitur aquae fontis siloe per quam visus redditur caeco nato misere

Audito Christi pater ejus nomine tristi pectore turbatur quam vir ferus ense minatur

Dum prece versatur cum petra monte locatur

Hanc genitor sequitur montisque cacumen aditur pastores reperit de nate corpore querit unus ei celat alterque repente revelat

Ceditur hic fuste sed ovi fit forma locuste

Paupere sub cella jam clauditur ipsa puella clavi firmata forti vinclisque ligata

Quam servat tuo genitor custode statuto

At pater adveniens praesidi celeriter narrat jubet sitiens adduci subtiliter suadet hic furiens ut perdat ferociter

Praeses monet dulciter cultum dis ut offerat vivens et hilariter sectam ceptam deferat non vult deo jugiter nam cor ejus haeserat

Tunc ait daemonia dum prodesse nequeunt habent membra varia muti formam subeunt qui dant sacrificia talibus hi pereunt

Tegmine nudatur tauri nervis laniatur virgo cruentatur dum cilicio refricatur

Sic poenas patitur post vera pace potitur

Post haec tormenta sacra Barbara carcere tenta Christo curatur quo viso mens solidatur

Fidens gaudebat vitae bravium cupiebat