Custodit dominus*

Missus est Gabriel*

Rorate caeli desuper et nubes pluant justum R. Aperiatur terra et germinet salvatorem

Ecce nomen domini venit de longinquo et claritas ejus replet orbem terrarum

Quem terra pontus aethera colunt adorant praedicant trinam regentem machinam claustrum Mariae bajulat

Cui luna sol et sidera deserviunt per tempora perfusa caeli gratia gestant puellae viscera

Beata mater munere cujus supernus artifex mundum pugillo continens ventris sub arca clausus est

Beata caeli nuntio fecunda sancto spiritu desideratus gentibus cujus per alvum fusus est

Laus honor virtus gloria deo patri et filio sancto simul paraclito in sempiterna saecula amen

Ecce venit rex occurramus obviam salvatori nostro

Domine in virtute tua laetabitur rex

Ex Sion species decoris ejus R. Deus noster manifeste veniet

Aspiciens a longe ecce video dei potentiam venientem et nebulam totam terram tegentem ite obviam ei et dicite nuntia nobis si tu es ipse qui regnaturus es in populo Israel

Quique terrigenae et filii hominum simul in unum dives et pauper

Qui regis Israel intende qui deducis velut ovem Joseph qui sedes super cherubim

Excita domine potentiam tuam et veni ut salvos facias nos

Aspiciens*

Aspiciebam in visu noctis et ecce in nubibus caeli filius hominis venit et datum est ei regnum et honor et omnis populus tribus et linguae servient ei

Potestas ejus potestas aeterna quae non auferetur et regnum ejus quod non corrumpetur

Missus est Gabriel angelus ad Mariam virginem desponsatam Joseph nuntians ei verbum et expavescit virgo de lumine ne timeas Maria invenisti gratiam apud dominum ecce concipies et paries et vocabitur altissimi filius

Ave Maria gratia plena dominus tecum

Ave Maria gratia plena dominus tecum spiritus sanctus superveniet in te et virtus altissimi obumbrabit tibi quod enim ex te nascetur sanctum vocabitur filius dei

Quomodo fiet istud quoniam virum non cognosco et respondens angelus dixit ei

Dominus defensor*

Egredietur dominus de loco sancto suo R. Veniet ut salvet populum suum

Salvatorem exspectamus dominum Jesum Christum qui reformabit corpus humilitatis nostrae configuratum corpori claritatis suae

Sobrie et juste et pie vivamus in hoc saeculo exspectantes beatam spem et adventum gloriae magni dei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

Annuntiate et auditum facite loquimini et clamate

Ecce virgo concipiet et pariet filium dicit dominus et vocabitur nomen ejus admirabilis deus fortis

Super solium David et super regnum ejus sedebit in aeternum

Obsecro domine mitte quem missurus es vide afflictionem populi tui sicut locutus es veni et libera nos

Memento nostri domine in beneplacito populi tui visita nos in salutari tuo

Alleluia*

Egredietur virga de radice Jesse R. Et flos de radice ejus ascendet

Laetentur caeli et exsultet terra jubilate montes laudem quia dominus noster veniet et pauperum suorum miserebitur

Ecce dominator dominus cum virtute veniet

Alieni non transibunt per Jerusalem amplius nam in illa die stillabunt montes dulcedinem et colles fluent lac et mel dicit dominus

Ego veniam dicit dominus et sanabo contritionem populi mei

Montes Israel ramos vestros expandite et florete et fructus facite prope est ut veniat dies domini

Rorate caeli desuper et nubes pluant justum aperiatur terra et germinet salvatorem

Confortamini manus fatigatae et genua dissoluta roboramini qui pusillo animo estis mente convalescite me timete dicit dominus quia venio dirumpere jugum captivitatis vestrae

Civitas Jerusalem noli flere quia cito veniet salus tua

Alleluia*

Veni ad liberandum nos domine deus virtutum

Et ostende faciem tuam et salvi erimus

Splendor paternae*

Emitte agnum domine dominatorem terrae R. De petra deserti ad montem filiae Sion

Spiritus sanctus in te descendet Maria ne timeas habebis in utero filium dei alleluia

Alleluia*

Conditor alme siderum aeterna lux credentium Christe redemptor omnium exaudi preces supplicum

Qui condolens hominibus mortis subjectis legibus factus homo restituis vitam in tuo sanguine

Vergente mundi vespere uti sponsus de thalamo egressus honestissima virginis matris clausula

Cujus forti potentiae genu flectatur omnium caelestium terrestrium nec non et infernalium

Te deprecamur hagie venture judex saeculi conserva nos in tempore quo diu sumus advenae

Laus honor virtus gloria deo patri et filio sancto simul paraclito in sempiterna saecula amen

Alleluia*

Timebunt gentes nomen tuum domine R. Et omnes reges terrae gloriam tuam

Alleluia*

Memento nostri domine in beneplacito populi tui R. Visita nos in salutari tuo

Alleluia*

Domine deus virtutum converte nos R. Et ostende faciem tuam et salvi erimus

Dixit dominus*

Tu exsurgens domine misereberis Sion

Quia tempus miserendi ejus quia venit tempus

Deus creator*

Rorate caeli desuper*

Ne timeas Maria invenisti gratiam apud dominum ecce concipies et paries filium alleluia

Regem venturum dominum venite adoremus

Ex Sion species decoris*

Egredietur dominus*

In illa die stillabunt montes dulcedinem et colles fluent lac et mel alleluia

Veni ad liberandum*

Emitte agnum*

Jucundare filia Sion exsulta satis filia Jerusalem alleluia

Conditor*

Ecce dominus veniet et omnes sancti ejus cum eo et erit in die illa lux magna alleluia

Timebunt gentes*

Omnes sitientes venite ad aquas quaerite dominum dum inveniri potest alleluia

Memento nostri*

Ecce veniet propheta magnus et ipse renovabit Jerusalem alleluia

Domine deus*

Tu exsurgens*

Rorate caeli desuper et*

Angelus domini nuntiavit Mariae et concepit de spiritu sancto alleluia

Jerusalem respice ad orientem et vide alleluia

Gaude et laetare filia Sion quia ecce ego venio et habitabo in medio tui dicit dominus

Erumpant montes jucunditatem et colles justitiam quia lux mundi dominus cum potentia venit

De Sion exibit lex et verbum domini de Jerusalem

Veniet fortior me post me cujus non sum dignus solvere corrigiam calciamenti ejus

Benedicta tu in mulieribus et benedictus fructus ventris tui

Exspectabo dominum salvatorem meum et praestolabor eum dum prope est alleluia

Ecce veniet deus et homo de domo David sedere in throno alleluia

Ex Aegypto vocavi filium meum veniet ut salvet populum suum

Veni domine visitare nos in pace ut laetemur coram te corde perfecto

Ecce dominus*

Deus creator*