Honor virtus et potestas et imperium sit trinitati in unitate unitati in trinitate in perenni saeculorum tempore

Trinitati lux perenni unitati sit decus perpetim

Summae trinitati simplici deo una divinitas aequalis gloria coaeterna majestas patri prolique sanctoque flamini qui totum subdit suis orbem regibus

Praestet nobis gratiam deitas beata patris ac nati pariterque spiritus almi

Gloria patri et filio et spiritui sancto

Benedicamus patrem et filium cum sancto spiritu laudemus et superexaltemus eum in saecula

Benedictus es domine in firmamento caeli et laudabilis et gloriosus

Sacerdos in aeternum Christus dominus secundum ordinem Melchisedech panem et vinum obtulit

Miserator dominus escam dedit timentibus se in memoriam suorum mirabilium

Calicem salutaris accipiam et sacrificabo hostiam laudis

Sicut novellae olivarum ecclesiae filii sunt in circuitu mensae domini

Qui pacem ponit fines ecclesiae frumenti adipe satiat nos dominus

Homo quidam fecit caenam magnam et misit servum suum hora caenae dicere invitatis ut venirent quia parata sunt omnia

Venite comedite panem meum et bibite vinum quod miscui vobis

Gloria patri et filio et spiritui sancto

Panem angelorum dedisti nobis dominus R. Habentem omne delectamentum et omnem saporem suavitatis

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes replens bonis fastidiosos divites dimittens inanes

Christum regem adoremus dominantem gentibus qui se manducantibus dat spiritus pinguedinem

Fructum salutiferum gustandum dedit dominus mortis suae tempore

A fructu frumenti vini multiplicati fideles in pace Christi requiescunt

In communione calicis quo deus ipse sumitur non vitulorum congregavit nos dominus

Memor sit dominus sacrificii nostri et holocaustum nostrum pingue fiat

Paratur nobis mensa domini adversus omnes qui tribulant nos

In voce exsultationis resonant epulantes in mensa domini

Petierunt et venit coturnix alleluia R. Pane caeli saturavit eos alleluia

Immolabit haedum multitudo filiorum Israel ad vesperam paschae et edent carnes et azymos panes

Pascha nostrum immolatus est Christus itaque epulemur in azymo sinceritatis et veritatis

Comedetis carnes et saturabimini panibus iste est panis quem dedit vobis dominus ad vescendum

Non Moyses dedit vobis panem de caelo sed pater meus dat vobis panem de caelo verum

Melchisedech vero rex Salem proferens panem et vinum erat autem sacerdos dei altissimi benedixit Abrahae et ait

Benedictus Abraham deo excelso qui creavit caelum et terram

Gloria patri et filio et spiritui sancto

Respexit Elias ad caput suum sub cinericium panem qui surgens comedit et bibit et ambulavit in fortitudine illius cibi usque ad montem dei

Si quis manducaverit ex hoc pane vivet in aeternum

Gloria patri et filio et spiritui sancto

Introibo ad altare dei sumam Christum qui renovat juventutem meam

Cibavit nos dominus ex adipe frumenti et de petra melle saturavit nos

Ex altari tuo domine Christum sumimus in quem cor et caro nostra exsultavit

Memoriam fecit mirabilium suorum misericors et miserator dominus escam dedit timentibus se alleluia

Memoria mea in generatione saeculorum qui edunt me adhuc esurient et qui bibunt me adhuc sitient alleluia

Qui habet aures audiendi audiat quid spiritus dicat ecclesiis vincenti dabo manna absconditum alleluia

Cibavit illos ex adipe frumenti alleluia R. Et de petra melle saturavit illos alleluia

Panis quem dabo caro mea est pro mundi vita litigabant ergo Judaei dicentes quomodo potest hic vobis dare carnem suam ad manducandum

Locutus est populus contra dominum anima nostra nauseat super cibo isto levissimo

Cenantibus illis accepit Jesus panem et benedixit ac fregit deditque discipulis suis et ait accipite et comedite hoc est corpus meum

Dixerunt viri tabernaculi mei quis det de carnibus ejus ut saturemur

Calix benedictionis cui benedicimus nonne communicatio sanguinis Christi est et panis quem frangimus nonne participatio corporis domini est

Quoniam unus panis et unum corpus multi sumus nam omnes de uno pane et de uno calice participamus

Accepit Jesus calicem postquam cenavit dicens hic calix novum testamentum est in meo sanguine hoc facite in meam commemorationem

Memoria memor ero et tabescet in me anima mea

Gloria patri et filio et spiritui sancto

O panis vitae veneranda refectio rite ens caro sincera verbum patris hostia vera nosmet inhaerere tibi fac deus ac homo vere atque tui Jesu pie nos ale corporis esu

Homo quidam*

Educas panem de terra alleluia R. Et vinum laetificet cor hominis alleluia

Qui manducat meam carnem et bibit meum sanguinem in me manet et ego in illo

Non est alia natio tam grandis quae habeat deos appropinquantes sibi sicut deus noster adest nobis

Misit me pater vivens et ego vivo propter patrem et qui manducat me vivit propter me

Cibavit eos dominus pane vitae et intellectus

Ego sum panis vitae patres vestri manducaverunt manna in deserto et mortui sunt hic est panis de caelo descendens si quis ex ipso manducaverit non morietur

Ego sum panis vivus qui de caelo descendi si quis manducaverit ex hoc pane vivet in aeternum

Unus panis et unum corpus multi sumus omnes qui de uno pane et de uno calice participamus

Parasti in dulcedine tua pauperi deus qui habitare facis unanimes in domo

Gloria patri et filio et spiritui sancto

Te deum laudamus*

Sapientia aedificavit sibi domum miscuit vinum et posuit mensam alleluia

Angelorum esca nutrivisti populum tuum et panem de caelo praestitisti illis alleluia

Pinguis est panis Christi et praebet delicias regibus alleluia

Sacerdotes sancti incensum et panes offerunt deo alleluia

Vincenti dabo manna absconditum et nomen novum alleluia

Panem de caelo dedisti nobis domine

Habentem omne delectamentum

Omnia a te exspectant R. Ut des illis escam in tempore

Ego sum panis vivus qui de caelo descendi si quis manducaverit ex hoc pane vivet in aeternum alleluia

Sapientia aedificavit*

Panem angelorum manducavit homo

Cibaria misit eis in abuntantia

Panem de caelo dedisti nobis domine R. Habentem omnem delectamentum et omnem saporem suavitatis

O sacrum convivium in quo Christus sumitur recolitur memoria passionis ejus impletur gratia et futurae gloriae nobis pignus datur alleluia

Ego te tuli*

Deus caritas est et qui manet in caritate in deo manet et deus in eo alleluia

Deus omnium exauditor est ipse misit angelum suum et tulit me de ovibus patris mei et unxit me unctione misericordiae suae

Dominus qui eripuit me de ore leonis et de manu bestiae liberavit me

Dominus qui eripuit me de ore leonis et de manu bestiae liberavit me ipse me eripiet de manibus inimicorum meorum

Misit deus misericordiam suam et veritatem suam animam meam eripuit de medio catulorum leonum

Ego te tuli de domo patris tui dicit dominus et posui te pascere gregem populi mei et fui tecum in omnibus ubicumque ambulasti firmans regnum tuum in aeternum

Fecique tibi nomen grande juxta nomen magnorum qui sunt in terra

Planxit autem David planctu magno super Saul et Jonathan filium ejus et dixit quomodo ceciderunt fortes in bello et interierunt arma bellica

Montes Gelboe nec ros nec pluvia veniant super vos

Montes Gelboe nec ros nec pluvia veniant super vos ubi ceciderunt fortes Israel

Omnes montes in circuitu ejus visitet dominus a Gelboe transeat

Exaudisti domine orationem servi tui ut aedificarem templum nomini tuo benedic et sanctifica domum istam in sempiternum deus Israel

Domine qui custodis pactum et misericordiam servis tuis qui ambulant coram te in toto corde suo

Domine si conversus fuerit populus tuus oraverit ad sanctuarium tuum tu exaudies in caelo domine et libera eos de manibus inimicorum eorum

Si peccaverit in te populus tuus et conversus egerit paenitentiam veniensque oraverit in loco isto

Audi domine hymnum et orationem quam servus tuus orat coram te hodie ut sint oculi tui aperti et aures tuae intentae super domum istam die ac nocte

Respice domine de sanctuario tuo et de excelso caelorum habitaculo

Peccavi super numerum harenae maris et multiplicata sunt peccata mea et non sum dignus videre altitudinem caeli prae multitudine iniquitatis meae quoniam irritavi iram tuam et malum coram te feci

Quoniam iniquitatem meam ego agnosco et delictum meum coram me est semper tibi soli peccavi

Recordare domine testamenti tui et dic angelo percutienti cesset jam manus tua ut non desoletur terra et ne perdas omnem animam vivam

Quiescat domine ira tua a populo tuo et sancta civitate tua