Multitudo languentium et qui vexabantur a spiritibus immundis veniebant ad eum quia virtus de illo exiebat et sanabat omnes

Omnes qui habebant infirmos variis languoribus ducebant illos ad eum

In isto loco promissio vera est et peccatorum remissio splendor et lux perpetua et sine fine laetitia quam meruit Christi martyr Sebastianus

Nolite timere non separabuntur a vobis sed vadunt in caelum parare vobis sidereas mansiones

Beatus es tu et bene tibi erit egregie martyr Sebastiane quia cum sanctis gaudebis et cum angelis exsultabis in aeternum

Beatus es Christi martyr Sebastiane et benedictus sermo oris tui

Sebastianus dei cultor studiose curabat sub absconso chlamydis sanctorum animas confortare spem promittens et gloriam consequi sempiternam

Si ego verus Christi servus sum et si vera sunt omnia quae ex ore meo haec mulier audivit et credidit aperiat os ejus qui aperuit os Zachariae prophetae sui

Ad hanc vocem Christi martyris Sebastiane illico apertum est os uxoris Nicostrati

Zoe uxor Nicostrati dixit beato Sebastiano beatus es tu et benedictus sermo oris tui

Sanctus Sebastianus dixit Nicostrato salvator noster pro peccatoribus exhibere dignatus est suam praesentiam

Beatus es et bene tibi erit egregie martyr Sebastiane quia cum sanctis gaudebis et cum angelis exsultabis in aeternum

Marius Martha Audifax et Abacuc sanguinem suum fuderunt propter filium dei

In isto loco promissio vera est et peccatorum remissio splendor et lux perpetua et sine fine laetitia quam meruit Christi martyr Sebastianus

Multitudo languentium*

Beatus Callistus dedit orationem dicens deus qui dispersa congregas et congregata conservas auge fidem et fiduciam servis tuis per Christum dominum nostrum

Egregie dei martyr Sebastiane princeps ac propagator sanctissimorum praeceptorum ecce nomen tuum in libro vitae caelestis adscriptum est et memoriale tuum non derelinquetur in saecula

Praecelse Christi*

Magnificis celebrandus laudibus beati Meginrati dies adest natalitius in quo per martyrii palmam aeternae gloriae consecutus est coronam cujus meritis et intercessione nostris pie Christe pietatis propitiare

Christo regi regum jubilemus qui beatum Meginratum hodie sanctis conjunxit martyribus

Temporibus gloriosissimi principis Caroli beatus Meginratus ad salutem plurimorum ortus est ex natione Suevorum

Hujus parentes moribus magis quam divitiis praeclari tali divinitus meruerunt prole ditari

Transacto infantiae termino traditur Augiensis cenobii fratribus litterarum disciplinis imbuendus

Igitur divina praeventus gratia quandoque propinanda sitibundis scripturarum inaebriatus est fluentis

Iste quidem digne dono ditatus est sapientiae qui a primae aetatis flore ab omni se abstinuit errore

Divina dignus benedictione diaconatus promotus est ordine in quo quia bene ministravit sacerdotii gradum acquisivit

Gloria et honore*

Sancti Meginrati patroni nostri recolentes transitum qui eum gloriae sociavit martyrum dignis laudibus veneremur dominum

Qui nos quoque continuis tanti martyris fovet patrociniis

Vir dei Meginratus cottidie in divino proficiens timore hortante monasterii patre regularis suscepit normam vitae

Sciens Christi jugum suave et onus ejus esse leve

Suscepto sacrae religionis proposito vir domini toto nisu pietatis actibus insudavit atque jejuniis et vigiliis vivam se deo hostiam mactavit

Saepe revolvens artam et angustam esse viam quae ducit ad vitam

Beatus Meginratus morum sanctitate probatus ad quandam cellam juxta lacum Thuricinum sitam dirigitur atque ibi multis profuturus scholari studio praeficitur

Ut talentum sibi creditum domino reportaret duplicatum

Gloria patri et filio et spiritui sancto

Cum jam vir venerandus dignos doctrinae suae dedisset fructus ipse deo liberius desiderans servire solitariam coepit vitam sitire

Quadam die vicinam sibi eremum introvit comitesque ad piscandum occupans solus locorum qualitates exploravit

Vir deo dignus de eremo regressus ad quandam matronam pietati deditam venit cui etiam voti sui secretum revelavit

Devota Christo femina divinitus mox inspirata et implendum tam boni operis propositum praesentis ei vitae promisit subsidium

O felicem et praedicandam mulierem quae in terris Christi pavit pauperem nunc cum eo in caelis divinis assidet conviviis

Sanctus dehinc Meginratus suum domino desiderium commendaturus orationibus et continuis se coepit affligere jejuniis

Posuisti domine*

Electus Christi servus divina tandem inspiratione confortatus relicta cui praefuit cella propter lucidam caelestis regni patriam tenebrosam ingreditur silvam

Crucem suam tollens et dominum Jesum Christum sequens

Dum quodam tempore vir dei oraret intente tanta circa illum daemonum multitudo diffunditur ut ei etiam lux diei penitus obscura redderetur

Spem tamen in deo tenens non timuit hostes ita se circumdantes

Inclyto Christi bellatore inter minas et terrores orationi insistente ecce angelus domini cum magna ad eum claritate venit et tetras daemonum phalanges potenter effugavit

Immisit dominus in circuitu timentis se eumque eripuit

Praecelse Christi martyr Meginrate magnus meritorum praeconiis venerande te suppliciter quaesumus ut continuis nos domino commendes precibus

Ut veniam tribuat pacem conferat omnesque nostros actus dirigat

Gloria dignus es et honore sacer Christi martyr Meginrate cui concessum est in tentatione angelica perfrui consolatione

Iste sanctus digna est memoria venerandus qui adhuc mortali constitutus in corpore pro meritorum magnitudine caelicolarum est usus societate

Quia erat innocens manibus et mundo corde

Gloria patri et filio et spiritui sancto

Exactis in divini servitii studiis viginti sex annis beatus Meginratus jam corona martyrii dignus a latronibus inquiritur occidendus

Gaudium quod nec oculus vidit nec auris audivit percepturus

Cumque beati viri cellae crudeles appropinquarent carnifices miro modo pulli quos idem sanctus nutrierat subito quasi vulpe persequente diffugerant atque vicinam insolito clamore silvam replebant

Divino sicut credimus nutu futurum scelus execrantes

Sancte Meginrate nostrum decus o speciale magnus in hac vita quondam fulgens eremita nunc civis caeli populo succurre fideli

Pondera cunctorum precibus relevando malorum

Gloria patri et filio et spiritui sancto

Egregius Christi miles suos sentiens adesse peremptores orationi attentius incubuit suumque domino agonem commendavit

Tandem caritatis amator egressus inimicos benigne salutavit cibo eos potuque refecit et quod ad se occidendum venerint praedixit

Unus itaque ex latronibus maceratum beati viri corpus pollutis constringens manibus socio minaciter jubet ut sanctum fuste percuteret

Hujus ergo sceleris participe diu eum circa latus et suras feriente alter iratus fustem arripuit eumque capiti ejus vehementer illisit

Hoc modo Christi servus plagatus ad terram corruit semivivus in quem illi continuo irruebant ejusque guttur quousque spiritum exhalaret suffocabant

Cum beati martyris anima de corporis egrederetur angustia ad declaranda sanctitatis ejus merita tantae suavitatis odore tota repleta est cella ac si illic omnia fraglarent pigmentorum genera alleluia alleluia

Domine rex aeterne qui es tuorum spes certa sanctorum per orationem servi tui Meginrati memento nostri

Iste quidem*

Gloria dignus*

Cum jam vir venerandus*

O felicem*

Egregius Christi*

Tandem caritatis*

Hujus ergo*

Hoc modo*

Iste sanctus*

Beatissimi viri percussores unam ad caput ejus candelam ponentes cum altera lumen allaturi cucurrerunt sed repedantes eam quam posuerant caelitus accensam invenerunt alleluia alleluia alleluia

Diem festum*

Christi virgo nec terrore concutitur nec blandimento seducitur

Regem virginum*

Discede a me pabulum mortis quia jam ab alio amatore praeventa sum

Dextram meam et collum meum cinxit lapidibus pretiosis tradidit auribus meis inaestimabiles margaritas

Posuit signum in faciem meam ut nullum praeter eum amatorem admittam

Induit me dominus cyclade auro texta et immensis monilibus ornavit me

Mel et lac ex ejus ore suscepi et sanguis ejus ornavit genas meas

Ipsi soli servo fidem ipsi me tota devotione committo

Diffusa est gratia*

Diem festum sacratissimae virginis celebremus qualiter passa sit beata Agnes ad memoriam revocemus tertiodecimo aetatis suae anno mortem perdidit et vitam invenit quia solum vitae dilexit auctorem

Ingressa Agnes turpitudinis locum angelum domini praeparatum invenit

Dextram meam et collum meum cinxit lapidibus pretiosis tradidit auribus meis inaestimabiles margaritas et circumdedit me vernantibus atque coruscantibus gemmis

Induit me dominus cyclade auro texta et immensis monilibus ornavit me

Amo Christum in cujus thalamum introivi cujus mater virgo est cujus pater feminam nescit cujus mihi organa modulatis vocibus cantant quem cum amavero casta sum cum tetigero munda sum cum accepero virgo sum

Mel et lac ex ejus ore suscepi et sanguis ejus ornavit genas meas

Diffusa est gratia*

Cujus pulchritudinem sol et luna mirantur ipsi soli servo fidem

Christus circumdedit me vernantibus atque coruscantibus gemmis pretiosis

Ipsi sum desponsata cui angeli serviunt cujus pulchritudinem sol et luna mirantur

Specie tua*