Veni domine visitare nos in pace ut laetemur coram te corde perfecto

Surgite vigilemus venite adoremus quia nescimus horam quando veniet dominus

Jerusalem cito veniet salus tua quare moerore consumeris numquid consiliarius non est tibi quia innovabit te dolor salvabo te et liberabo te noli timere

Ego enim sum dominus deus tuus sanctus Israel redemptor tuus

Ecce dominus veniet et omnes sancti ejus cum eo et erit in die illa lux magna et exibunt de Jerusalem sicut aqua munda et regnabit dominus in aeternum super omnes gentes

Ecce dominus cum virtute veniet et regnum in manu ejus et potestas et imperium

Civitas Jerusalem noli flere quoniam doluit dominus super te et auferet a te omnem tribulationem

Ecce dominus in fortitudine veniet et bracchium ejus dominabitur

Ecce veniet dominus protector noster sanctus Israel coronam regni habens in capite suo

Et dominabitur a mari usque ad mare et a flumine usque ad terminos orbis terrarum

Sicut mater consolatur filios suos ita consolabor vos dicit dominus et de Jerusalem civitate quam elegi veniet vobis auxilium et videbitis et gaudebit cor vestrum

Dabo in Sion salutem et in Jerusalem gloriam meam

Jerusalem plantabis vineam in montibus tuis et exsultabis quia dies domini veniet surge Sion convertere ad deum tuum gaude et laetare Jacob quia de medio gentium salvator tuus veniet

Exsulta satis filia Sion jubila filia Jerusalem

Egredietur dominus de Samaria ad portam quae respicit ad orientem et veniet in Bethleem ambulans super aquas redemptionis Judae tunc salvus erit omnis homo quia ecce veniet

Et praeparabitur in misericordia solium ejus et sedebit super illud in veritate

Festina ne tardaveris domine et libera populum tuum

Veni domine et noli tardare relaxa facinora

Ecce dominus veniet cum splendore descendens et virtus ejus cum eo visitare populum suum in pace et constituet super eum vitam sempiternam

Ecce dominus noster cum virtute veniet

Ecce ab austro venio ego dominus deus vester visitare vos in pace

Aspiciam vos et crescere faciam multiplicabimini et firmabo pactum meum vobiscum

Rex noster adveniet Christus quem Joannes praedicavit agnum esse venturum

Super ipsum continebunt reges os suum ipsum gentes deprecabuntur

Montes Israel*

Ecce in nubibus caeli dominus veniet cum potestate magna alleluia

Urbs fortitudinis nostrae Sion salvator ponetur in ea murus et antemurale aperite portas quia nobiscum deus alleluia

Ecce apparebit dominus et non mentietur si moram fecerit exspecta eum quia veniet et non tardabit alleluia

Montes et colles cantabunt coram deo laudem et omnia ligna silvarum plaudent manibus quoniam veniet dominus dominator in regnum aeternum alleluia alleluia

Ecce dominus noster cum virtute veniet et illuminabit oculos servorum suorum alleluia

Vox clara*

Vox clamantis in deserto*

Joannes autem cum audisset in vinculis opera Christi mittens duos de discipulis suis ait illi tu es qui venturus es an alium exspectamus

Conditor alme siderum*

Rorate caeli desuper et nubes pluant

Tu es qui venturus es an alium exspectamus dicite Joanni quae vidistis ad lumen redeunt caeci mortui resurgunt pauperes evangelizantur alleluia

De caelo veniet dominator dominus et in manu ejus honor et imperium

Ecce rex veniet dominus terrae et ipse auferet jugum captivitatis nostrae

Super te Jerusalem orietur dominus et gloria ejus in te videbitur

Vox clamantis in deserto parate viam domino rectas facite semitas dei nostri

Ecce mitto angelum meum qui praeparabit viam tuam ante faciem tuam

Sion renovaberis et videbis justum tuum qui venturus est in te

Tu es qui venturus es domine quem exspectamus ut salvum facias populum tuum

Qui post me venit ante me factus est cujus non sum dignus calceamenta solvere

Dicite pusillanimes confortamini ecce dominus deus noster veniet

Cantate domino canticum novum laus ejus ab extremis terrae

Levabit dominus signum in nationibus et congregabit dispersos Israel

Conditor alme*

Rorate caeli desuper et nubes pluant*

Ante me non est formatus deus et post me non erit quia mihi curvabitur omne genu et confitebitur omnis lingua

Domine praestolamur adventum tuum ut cito venias et dissolvas jugum captivitatis nostrae

Ecce apparebit dominus super nubem candidam et cum eo sanctorum milia et habebit in vestimento et in femore suo scriptum rex regum et dominus dominantium

Apparebit in finem et non mentietur si moram fecerit exspecta eum quia veniens veniet

Bethleem civitas dei summi ex te exiet dominator Israel et egressus ejus sicut a principio dierum aeternitatis et magnificabitur in medio universae terrae et pax erit in terra nostra dum venerit

Loquetur pacem gentibus et potestas ejus a mari usque ad mare

Qui venturus est veniet et non tardabit jam non erit timor in finibus nostris quoniam ipse est salvator noster

Deponet omnes iniquitates nostras et projiciet in profundum maris omnia peccata nostra

Aegypte noli flere quia dominator tuus veniet tibi ante cujus conspectum movebuntur abyssi liberare populum suum de manu potenti e

Ecce veniet dominus exercituum deus tuus in potestate magna

Prope est ut veniat tempus ejus et dies ejus non elongabuntur miserebitur dominus Jacob et Israel salvabitur

Revertere virgo Israel revertere ad civitates tuas

Descendet dominus sicut pluvia in vellus orietur in diebus ejus justitia et abundantia pacis

Et adorabunt eum omnes reges terre omnes gentes servient ei

Veni domine et noli tardare relaxa facinora plebis tuae et revoca dispersos in terram suam

Excita domine potentiam tuam et veni ut salvos facias nos

Ecce radix Jesse ascendet in salutem populorum ipsum gentes deprecabuntur et erit nomen ejus gloriosum

Dabit ei dominus deus sedem David patris ejus et regnabit in domo Jacob in aeternum

Docebit nos dominus vias suas et ambulabimus in semitis ejus quia de Sion exibit lex et verbum domini de Jerusalem

Venite ascendamus ad montem domini et ad domum dei Jacob

Ante multum tempus prophetavit Ezechiel vidi portam clausam et ecce deus ante saecula ex ea procedebat pro salute mundi et iterum erat clausa demonstrans virginem quia post partum permansit virgo

Portam quam vidisti dominus solus transibit per eam

Erumpant montes *

Veniet dominus et non tardabit et illuminabit abscondita tenebrarum et manifestabit se ad omnes gentes alleluia

Jerusalem gaude gaudio magno quia veniet tibi salvator alleluia

Dabo in Sion salutem et in Jerusalem gloriam meam alleluia

Montes et omnes colles humiliabuntur et erunt prava in directa et aspera in vias planas veni domine et noli tardare alleluia

Juste et pie vivamus exspectantes beatam spem et adventum domini

Super solium David et super regnum ejus sedebit in aeternum alleluia

Beata es Maria quae credidisti perficientur in te quae dicta sunt tibi a domino alleluia

Dicit dominus paenitentiam agite appropinquabit enim regnum caelorum alleluia

Beatam me dicent omnes generationes quia ancillam humilem respexit deus

Consurge consurge induere fortitudinem bracchium domini

Elevare elevare consurge Jerusalem solve vincla colli tui captiva filia Sion

Ponam in Sion salutem et in Jerusalem gloriam meam alleluia

Ponent domino gloriam et laudem ejus in insulis nuntiabunt quia ecce veniet et non tardabit

Consolamini consolamini popule meus dicit deus vester

Laetamini cum Jerusalem et exsultate in ea omnes qui diligitis eam in aeternum

Dies domini sicut fur ita in nocte veniet et vos estote parati quia qua hora non putatis filius hominis veniet

Hoc est testimonium quod perhibuit Joannes qui post me venit ante me factus est

Quomodo fiet istud angele dei quia virum in concipiendo non pertuli audi Maria virgo Christi spiritus sanctus superveniet in te et virtus altissimi obumbrabit tibi

Dabit ei dominus sedem David patris ejus et regnabit in aeternum

O sapientia quae ex ore altissimi prodisti attingens a fine usque ad finem fortiter suaviter disponensque omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges os suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctum de domo carceris sedentem in tenebris et umbra mortis

O oriens splendor lucis aeternae et sol justitiae veni et illumina sedentem in tenebris et umbra mortis

O rex gentium et desideratus earum lapisque angularis qui facis utraque unum veni salva hominem quem de limo formasti

O Emmanuel rex et legifer noster exspectatio gentium et salvator earum veni ad salvandum nos domine deus noster

Ecce veniet dominus princeps regum terrae beati qui parati sunt occurrere illi

Cum venerit filius hominis putas inveniet fidem super terram