Missus est angelus Gabriel ad virginum desponsatam Joseph et nomen virginis Maria
A solis ortu usque ad occasum laudabile nomen domini et Mariae matris ejus
Ave Maria gratia plena dominus tecum benedicta tu in mulieribus
Permaneat et magnificetur nomen tuum usque in sempiternum o Maria
Lauda Jerusalem dominum lauda inclytum nomen Mariae
Mariae nomen cunctas illustrat ecclesias cui fecit magna qui potens est et sanctum nomen ejus
Mirabiles elationes maris sed mirabilior in nomine Mariae dominus
Laudate in exsultatione Mariae nomen quoniam suave est
Labia mea laudabunt o Maria quia dulce est nomen tuum super mel ori meo
Spiritus et animae justorum benedicant Mariam in nomine sancto ejus
Beneplacitum est domino in nomine Mariae in quo exaltavit mansuetos in salutem
Benedictus deus qui Maria virgini lucis nomen donavit ut illuminaret eos qui in tenebris sedent et ut stella maris errantes dirigeret in portu pacis
Maria virgo omnium oculis gratiosa nominatum est nomen gloriae ejus usque ad extremum terrae