[Induit me] Dominus vestimento salutis et indumento laetitiae circumdedit me et tamquam sponsam decoravit me corona
Induit me dominus cyclade auro texta et immensis monilibus ornavit me
[Ecce] quod speravi jam teneo illi sum juncta [in] caelis quem in terris posita tota devotione dilexi
Adjuvabit eam*
Jam corpus ejus corpori meo sociatum est et sanguis ejus ornavit genas meas cujus mater virgo est cujus pater feminam nescit
Ipsi sum desponsata cui angeli serviunt cujus pulchritudinem sol et luna mirantur
Regnum mundi et omnem ornatum saeculi contempsi propter amorem domini mei Jesu Christi quem vidi quem amavi in quem credidi quem dilexi
Eructavit cor meum verbum bonum dico ego opera mea regi