Cum audisset Job nuntiorum verba sustinuit patienter et ait si bona suscepimus de manu domini mala autem quare non sustineamus in omnibus his non peccavit Job labiis suis neque stultum aliquid contra deum locutus est

Cives mei vermes sunt cutis mea aruit devorata caro os meum putruit nimis datus sum in opprobrium mundo et jam non cognoscor ab amicis meis

Servite domino*

Si bona suscepimus de manu domini mala autem quare non sustineamus dominus dedit dominus abstulit sicut domino placuit ita factum est sit nomen domini benedictum

Nudus egressus sum de utero matris meae nudus revertar illuc

Antequam comedam suspiro et tamquam inundantes aquae sic rugitus meus quia timor quem timebam evenit mihi et quod verebar accidit nonne dissimulavi nonne silui et jam quievi et venit super me indignatio tua domine

Ecce non est auxilium mihi in me et necessarii quoque mei recesserunt a me

Quare detraxistis sermonibus veritatis ad increpandum verba componitis et subvertere nitimini amicum vestrum verumtamen quae cogitastis explete

Quod justum est judicate et non invenietis in lingua mea iniquitatem

Utinam appenderentur peccata mea quibus iram merui et calamitas quam patior in statera

Quasi harena maris haec gravior apparet unde et verba mea dolore sunt plena

Induta est caro mea putredine et sordibus pulveris cutis mea aruit et contracta est memento mei domine quia ventus est vita mea

Dies mei sicut umbra declinaverunt et ego sicut fenum arui

Paucitas dierum meorum finitur brevi dimitte me domine sine plangam paululum dolorem meum antequam vadam ad terram tenebrosam et opertam mortis caligine

Manus tuae plasmaverunt me et fecerunt me totum in circuito et sic repente praecipitas me

Numquid dominus supplantat judicium aut omnipotens subvertit quod justum est libera me domine et pone me juxta te et cujusvis manus pugnet contra me

Apprehende arma et scutum et exsurge in adjutorium mihi

Scio domine quia morti me traditurus es ubi constituta est omnis domus viventium spero in te domine quia non ad consumptionem meam emittis manum tuam et si in profundum inferni dimersus fuero inde me liberabis

Si ascendero in caelum tu illic es et si descendero ad infernum

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

Nunc autem in memetipso marcescit anima mea et possident me dies afflictionis

Alleluia*

Versa est in luctum cithara mea et organum meum in vocem flentium parce mihi domine nihil enim sunt dies mei

Cutis mea denigrata est super me et ossa mea aruerunt

Adesto dolori meo deus nimium fatigor et cecidit in luctum cithara mea et cantatio mea in plorationem

Interiora mea ferbuerunt absque ulla requie praevenerunt me dies afflictionis

Nonne cognoscit deus vias meas et cunctos gressus meos dinumerat quod si ambulavi in vanitate aut festinavit in dolo pes meus appendat me in statera justa et probet deus innocentiam meam

Si declinavi gressus meos de via et si secutus est oculus meus cor meum et in manibus meis adhaesit macula