Sapientia aedificavit sibi domum excidit columnas septem subdidit sibi gentes superborumque et sublimium colla propria virtute calcavit

Sapientia clamitat in plateis si quis diligit sapientiam ad me declinet et eam inveniet et eam dum invenerit beatus est si tenuerit eam

Ego in altissimis habitavi et thronus meus in columna nubis

Dominus possedit me initio viarum suarum antequam quidquam faceret a principio necdum erant abyssi et ego parturiebar quando praeparabat caelos aderam cum eo componens omnia

In principio deus antequam terram faceret priusquam abyssos constitueret priusquam produceret fontes aquarum antequam montes collocarentur ante omnes colles generavit me dominus

Quando praeparabat caelos aderam cum eo cuncta componens

Gyrum caeli circuivi sola et in fluctibus maris ambulavi in omni gente et in omni populo primatum tenui superborum et sublimium colla propria virtute calcavi

Ego in altissimis habito et thronus meus in columna nubis

Emitte domine sapientiam de sede magnitudinis tuae ut mecum sit et mecum laboret ut sciam quid acceptum sit coram te omni tempore

Da mihi domine sedium tuarum assistricem sapientiam

Da mihi domine sedium tuarum assistricem sapientiam et noli me reprobare a pueris tuis quoniam servus tuus sum ego et filius ancillae tuae

Mitte illam a sede magnitudinis tuae ut mecum sit et mecum laboret

Initium sapientiae timor domini intellectus bonus omnibus facientibus eum laudatio ejus manet in saeculum saeculi

Dilectio illius custodia legum est quia omnis sapientia timor dei

Verbum iniquum et dolosum longe fac a me domine divitias et paupertas ne dederis mihi sed tantum victui meo tribue necessaria

Duo rogavi te ne deneges mihi antequam moriar

Super salutem et omnem pulchritudinem dilexi sapientiam et proposui pro luce habere illam venerunt mihi omnia bona pariter cum illa

Non comparavi illi omnem lapidem pretiosum quoniam inextinguibile est lumen illius

Domine pater et deus vitae meae ne derelinquas me in cogitatu maligno extollentiam oculorum meorum ne dederis mihi et desiderium malignum averte a me domine aufer a me concupiscentiam et animo irreverenti et infrunito ne tradas me domine

Ne derelinquas me domine ne accrescant ignorantiae meae et multiplicentur delicta mea

Ne derelinquas me domine pater et dominator vitae meae ut non corruam in conspectu adversariorum meorum ne gaudeat de me inimicus meus

Apprehende arma et scutum et exsurge in adjutorium mihi

Mirifica misericordias tuas deus

Alleluia*

Magna enim sunt judicia tua domine et inenarrabilia verba tua magnificasti populum tuum et honorasti

Transtulisti illos mare Rubrum et transvexisti eos per aquam nimiam

Quae sunt in corde hominum oculi tui vident domine et in libro tuo omnia scribentur homo videt in facie deus autem in corde

Omnia enim corda scrutatur et universas mentium cogitationes intellegit

Praebe fili cor tuum mihi et oculi tui vias meas custodiant ut addatur gratia capiti tuo

Attende fili mi sapientiam meam et ad eloquium meum inclina aurem tuam