Placebo domino in regione vivorum

Heu mihi quia incolatus meus prolongatus est

Dominus custodit te ab omni malo custodiat animam tuam dominus

Si iniquitates observaveris domine domine quis sustinebit

Opera manuum tuarum domine ne despicias

Absolve domine animas eorum ab omni vinculo delictorum ut in resurrectionis gloria inter sanctos tuos resuscitati respirent

Circumdederunt me gemitus mortis dolores inferni circumdederunt me

Dirige domine deus meus in conspectu tuo viam meam

Convertere domine et eripe animam meam quoniam non est in morte qui memor sit tui

Nequando rapiat ut leo animam meam dum non est qui redimat neque qui salvum faciat

A porta inferi

Credo quod redemptor meus vivit et in novissimo die de terra surrecturus sum et in carne mea videbo deum salvatorem meum

Reposita est haec spes mea in sinu meo quia rursus circumdabor pelle mea | R. Et in carne

Qui Lazarum resuscitasti ad monumento foetidum tu eis domine dona requiem et locum indulgentiae

Qui suscitasti puellam adhuc domo clausam et elatum iuvenem extra portam

Heu mihi domine quia peccavi nimis in vita mea quid faciam miser ubi fugiam nisi ad te deus meus miserere mei dum veneris in novissimo die

Anima mea turbata est valde sed tu domine succurre ei

In loco pascuae ibi me collocavit

Delicta juventutis meae et ignorantias meas ne memineris domine

Credo videre bona domini in terra viventium

In memoria aeterna*

Domine quando veneris judicare terram ubi me abscondam a vultu irae tuae quia peccavi nimis in vita mea

Delicta mea pavesco et ante te erubesco dum veneris judicare noli me condemnare

Peccantem me cottidie et non me paenitentem timor mortis conturbat me quia in inferno nulla est redemptio miserere mei deus et salva me

De profundis clamavi ad te domine domine exaudi vocem meam

Libera me domine de viis inferni qui portas aereas confregisti et visitasti infernum et dedisti eis lumen ut viderent te qui erant in poenis tenebrarum

Clamantes et dicentes advenisti redemptor noster

Complaceat tibi domine ut eripias me domine ad adjuvandum me respice

Sitivit anima mea ad deum vivum quando veniam et apparebo ante faciem domini

Deus liberabit animam meam de manu inferi cum acceperit me

Audivi vocem de caelo dicentem*

Si facta mea recompensare volueris domine ubi me abscondam qui in caelum ascendere non valeo in infernum descendere timeo ubi ignis inextinguibilis est manum tuam porrige mihi deus meus

Si ascendero in caelum tu illic es et si descendero in infernum

Memento mei deus quia ventus est vita mea nec aspiciat me visus hominis

Cutis mea aruit et contracta est et non revertetur oculus meus ut videat bona

Libera me domine de morte aeterna in die illa tremenda quando caeli movendi sunt et terra

Dies illa dies irae calamitatis et miseriae dies magna et amara valde

Quid ego miserrimus quid dicam vel quid faciam dum nil boni perferam ante tantum judicem

Miserere Jesu Christe miserere qui umbrosum illuminasti infernum da eis splendidissimum lumen ut possint videre perpetuam lumen

Nunc Christe te petimus miserere quaesumus qui lenisti redimere perditos noli damnare redemptos

Creator omnium rerum deus qui me de limo terrae formasti et mirabiliter proprio sanguine redemisti corpus meum licet mundo putrescat de sepulcro facias in die judicii resuscitari exaudi exaudi exaudi nos et animas omnium fidelium defunctorum in sinu Abrahae patriarchae tui jubeas collocari

Requiem aeternam dona eis domine et lux perpetua

Dele domine iniquitates nostras

Exaudi domine orationem meam ad te omnis caro veniet

Me suscepit dextera tua domine

A porta inferi erue domine animas eorum

Omnis spiritus laudet dominum

Tuam deus deposcimus pietatem ut eis tribuere digneris placidas et quieras mansiones