Beatus Petrus apostolus vidit sibi Christum occurrere adoransque eum et dixit domine quo vadis venio ait Romam iterum crucifigi

Intellexit beatus Petrus de sua dictum passione quod in ea dominus esset passurus qui patitur in sanctis misericordia pietatis

Tunc conversus rediit in urbem magnificans deum narransque fratribus quod ei obvius fuisset dominus

Considera oves tuas pastor bone sustenta eos quorum fides infirmior tuo expetit roborari adjutorio

Haec sacri Petri sollempnia Christe colentibus auxilietur in his nobis tua gaudia quae nos ipsius meritis absolvat crimine cuncto

Aurea luce*

Gregem tuum pastor aeterne ne deseras sed per beatos apostolos tuos perpetua defensione custodias

Ut a nostris reatibus absolutos a cunctis nos quoque periculis

In omnem terram*

Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt

Christum regem regum adoremus dominum qui martyrio crucis beatum glorificavit Petrum apostolum

In plateis ponebantur infirmi in lectulis ut veniente Petro saltem umbra illius obumbraret quemquam illorum et liberarentur ab infirmitatibus suis

Ait Petrus principibus sacerdotum Jesum quem vos interemistis suspendentes in ligno hunc deus suscitavit et principem ac salvatorem exaltavit ad dandam paenitentiam in remissionem peccatorum

Petrus apostolus dixit paralytico Aenea sanet te dominus Jesus Christus surge et sterne tibi qui continuo surrexit et omnes qui videbant conversi sunt ad dominum

In omnem terram*

Simon Petre antequam de navi vocarem te novi te et super plebem meam principem te constitui et claves regni caelorum tradidi tibi

Quodcumque ligaveris super terram erit ligatum et in caelis et quodcumque solveris super terram erit solutum et in caelis

Si diligis me Simon Petre pasce oves meas domine tu nostique amo te et animam meam pono pro te

Si oportuerit me mori tecum non te negabo

Tu es Petrus et super hanc petram aedificabo ecclesiam meam et portae inferi non praevalebunt adversus eam et tibi dabo claves regni caelorum

Quodcumque*

Factum est ut quaedam discipula nomine Tabita plena operibus bonis et eleemosynis infirmata moreretur miserunt autem discipuli ad Petrum rogantes ne pigriteris venire usque ad nos

Adveniente Petro circumsteterunt illum omnes viduae flentes et ostendentes tunicas et vestes quas faciebat illis Dorcas

Ponens Petrus genua sua oravit et conversus ad corpus dixit Tabita surge at illa aperuit oculos et viso Petro resedit dansque illi manum erexit eam et sanctis ac viduis assignavit vivam

Constitues eos principes*

Domine si tu es jube me venire ad te super aquas et extendens manum apprehendit eum et dixit Jesus modicae fidei quare dubitasti

Cumque vidisset ventum validum venientem timuit et cum coepisset mergi clamavit dicens domine salvum me fac

Tu es pastor ovium princeps apostolorum tibi tradidit deus omnia regna mundi et ideo traditae sunt tibi claves regni caelorum

Tibi enim a domino collata est potestas ligandi atque solvendi

Petre amas me tu scis domine quia amo te pasce oves meas

Simon Joannis diligis me plus his tu scis domine quia amo te

Cornelius centurio vir religiosus ac timens deum vidit manifeste angelum dei dicentem sibi Corneli mitte et accersi Simonem qui cognominatur Petrus hic dicet tibi quid te oporteat facere

Aperiens Petrus os suum dixit in veritate comperi quoniam non est personarum acceptor deus sed in omni gente qui timet deum et operatur justitiam acceptus est illi

Adhuc loquente Petro cecidit spiritus sanctus super omnes qui audiebant verbum et erant loquentes linguis et magnificantes deum tunc Petrus jussit eos baptizari in nomine domini Jesu Christi

Nimis honorati sunt*

Quem dicunt homines esse filium hominis dixit Jesus discipulis suis respondens Petrus dixit tu es Christus filius dei vivi et ego dico tibi quia tu es Petrus et super hanc petram aedificabo ecclesiam meam

Beatus es Simon Barjona quia caro et sanguis non revelavit tibi sed pater meus qui es in caelis

Ego pro te rogavi Petre ut non deficiat fides tua sed tu aliquando conversus confirma fratres tuos

Simon ecce Satanas expetivit vos ut cribraret sicut triticum ego autem rogavi pro te

Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt

In omnem terram exivit sonus eorum et in fines orbis terrae verba eorum

Tu es Petrus*

Petrus et Joannes ascenderunt in templum ad horam orationis nonam

Argentum et aurum non est mecum quod autem habeo hoc tibi do

Dixit angelus ad Petrum circumda tibi vestimentum tuum et sequere me

Misit dominus angelum suum et liberavit me de manu Herodis alleluia

Tu es Petrus et super hanc petram aedificabo ecclesiam meam

Annuntiaverunt opera dei

Hi sunt ecclesiarum columpnae quos vita sanctissima venerabilem duxit ad mortem et gloriosus occasus fecit esse perpetuos alleluia

Juravit dominus*

Aurea luce*

In omnem terram*

Gloriosi principes terrae quomodo in vita sua dilexerunt se ita et in morte non sunt separati