Ave praesul gloriose ave sidus jam caeleste decorans Gaugerice caelos nos guberna virens humum quo laetemur triumphantes te patronum venerantes

Justum deduxit dominus per vias rectas et ostendit illi regnum dei et dedit illi scientiam sanctorum honestavit illum in laboribus et complevit labores illius

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum

Iste cognovit justitiam et vidit mirabilia magna et exoravit altissimum et inventus est in numero sanctorum

Confessor domini Gaugerice astantem plebem corrobora sancta intercessione ut qui vitiorum pondere premimur beatitudinis tuae gratia sublevemur et te duce aeterna praemia consequamur

Salve festa dies*

Animarum Christi*

Ora pro nobis beate Gaugerice*

Meritis sacris ac praecipue exsultantes patro ciniis beatissimi Gaugerici festa celebremus ut nos ab angore saeculi exemptos gaudiis patriae faciat interessae caelestis

Adoremus Christum regem confessorum dominum qui aeterna sanctum Gaugericum coronavit gloria

Beatus vir Gaugericus sacer domini qui in lege ejus fructus pariendo meditatus est die ac nocte

Praeceptum domini Gaugericus praedicans constitutus est in monte sancto ejus

Invocavit dominum sanctus Gaugericus et exaudivit eum in omni tribulatione sua

Amavit eum dominus*

Sanctus vir domini et confessor Christi Gaugericus merito praecipuis laudibus est sublimandus qui gregis dominici suis diebus curam suscipiens in numero sanctorum fidelis ac prudens inventus est servus

Gloria et honore coronatus beatissimus Gaugericus suorum voces in terris convingi faciat angelicus choris

Caelestis patriae cultor sanctissimus Gaugericus dum in ordine diaconatus coram domino ministraret gemina sorte leprosum curavit nam et gentilitatis ab eo maculam praedicando detersit et dono baptismatis cutis feditatem mundavit

Gratiam quam accepit a domino beatissimus Gaugericus in uno miseratus homine mirabiliter geminavit

Hic est beatissimus amator dei Gaugericus cui quia oranti mundana potestas obedire spraevit divina pietas duodecim noxios de interiori erga stulo fractis vinculis absolutos in ecclesia coram populo spectante condonavit

Sanctus ac pius sacerdos Gaugericus iure ab hominibus veneratur cui potestas aeterna oratione promiseris fusa

Bonae voluntatis dei scuto coronatus est in certamine sanctus Gaugericus

Admirabile nomen tuum domine beatus Gaugericus credidit in universo mundo

In tabernaculo tuo domine sanctus Gaugericus omnem visticiam operatus requiescens habitavit

Justum deduxit*

Qui Josue pugnante solem fecit immobilem consistere ipse beati Gaugerici pro populo orantis baculum angelico ministerio praecepit sustentari

Qui flammis Babylonicis ne trium puerorum corpora perderent ventum roris flantem aspersit

Dei cultor et amator Gaugericus sacer cujusdam caeci clamore pulsatus totus in dei fisus clementia et misero fidei lumen praedicando infudit et oculos ejus sanctitatis suae virtute restituit

Medicine spiritualis imbutus charismate beatissimus Gaugericus

Animarum Christi fidelis institor Gaugericus dum cujusdam mercatoris vinculis astrictos pueros venales cerneret nec eorum absolutionem obtinere posset solitae orationis malleo vincula fregit et captivos filiis ecclesiae sociavit

Fortis sermone dei miles Gaugericus fortior fide

Praevenisti domine sanctum Gaugericum in benedictionibus tuis et dedisti ei coronam victoriae de lapide pretioso

Innocens manibus et mundo corde assensor Gaugericus benedictionem et misericordiam accipiet a domino in monte sancto ejus

Laetabitur in domino Gaugericus justus et sperabit in eo et cum eo laudabuntur omnes recti corde

Justus ut palma florebit*

Odorem virtutum sanctus dei Gaugericus longe lateque dispergens in tantum regis terreni animum excitavit ut et ipse Christo devotius serviret et suas Gazas per virum domini erogari estuaret

Deus omnium bonorum conditor et salvator ipse per famulorum suum Gaugericum regi Lothario inspiravit consilium

Felix civitas Cameracensium felicis patris Gaugerici diem recolens annuae festivitatis cujus sacra memoria et demonum incursiones ab ea fugantur et ei spiritus sancti propitiatio condonatur

Gloriosi principis Cameracensium civitatis beati Gaugerici precibus assiduis

Rex aeterne deus sanctorum gloria perpes quem Gaugericus sparsit ubique sacer tu pius illius procunctis suscipe vota et tantis meritis ejus adesto gregi

Quem tuba sanctorum caelestis clangit in aula et Gaugerici vox pia protonuit

Sanctus vir domini Gaugericus virtutum signis et doctrinis ac vitae meritis decoratus regnum Christi obtinere meruit in longitudinem dierum

Portas domini confessor Gaugericus in hymnis ingressus est ideo adeptus est misericordiam et veritatem ejus in aeternum

Lucis aeternae matutinus meditator Gaugericus alarum domini velamento prectus dextera illius susceptus permansit

Benedictionem omnium gentium dedit dominus Gaugerico et testamentum suum confirmavit super caput ejus alleluia alleluia

Laetetur verus Israel Gaugericus in eo qui fecit eum

Confessor domini*

Justus germinabit*

Pontifex Christi Gaugericus merito eximiis laudibus commendatur qui et angelicum in terris obsequium meruit et superborum hominum mentes fusa ad deum prece subegit

Honorabilis cunctis est dies iste in quo dei famulus Gaugericus regnum caeli petiit cujus nos meritis adjuvari supplices deposcimus