Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo regnabunt in aeternum

Beatissimus Christi martyr Hippolytus dum baptismi gratiam accepisset a beato Laurentio ponebat manus super oculos caecorum et sanabantur

Caeco illuminato a beato Laurentio Hippolytus credidit*

Multi caeci et imbecilles venientes ad custodiam Laurentii ponebat manus curabat eos propterea a militibus comprehensus ducebatur ad Decium

Justinus et Hippolytus rapuerunt corpus Laurentii et sepelierunt

Requisitus a Decio sanctus Hippolytus de corpore Laurentii ut quid sepelisset eum respondens Hippolytus dixit christianus ego sum et Christi martyrem diligenter sepelivi

Miror valde praeses ut quid ore polluto martyrem nominasti

Justi autem in perpetuum vivent*

Praeses dixit ad Hippolytum factus es insipiens ut nuditatem tuam non erubescas

Dixit Hippolytus ad Decium non me exspoliasti sed magis vestisti

Caesar dixit ad Hippolytum nunc magus factus es respondens Hippolytus dixit ad Decium non sum ego magus sed sum servus domini mei Jesu Christi

Exemplum merear fieri Laurentii beatissimi martyris

Tunc Valerianus in conspectu Hippolyti famulos illius martyrizare praecepit

Oravit sanctus Hippolytus voce magna et dixit gratias tibi ago domine meus Jesu Christe quia famulos meos in conspectu meo pati video