In visione*

Exsultet caelum laudibus*

Ecce ego Joannes vidi ostium apertum in caelo et ecce sedes posita erat in eo et in medio sedis et in circuitu ejus quattuor animalia plena oculis ante et retro et dabant gloriam et honorem et benedictionem sedenti super thronum viventi in saecula saeculorum

Regem evangelistarum dominum venite adoremus

Convocatis Jesus duodecim apostolis misit illos praedicare regnum dei egressi autem evangelizabant et curabant ubique

Mittens dominus et alios ad praedicandum dicebat illis messis quidem multa operarii pauci

Jesu Christi domini gratia credentibus populis doctores et evangelistae sunt in ministerio fidei missi

In omnem terram exivit sonus eorum*

In visione dei vidi et ecce ventus turbinis veniebat ab aquilone nubesque magna et ignis involvens splendorque in circuitu ejus et ex medio eorum similitudo quattuor animalium et aspectus hominis erat in eis

De medio autem ejus quasi species electri hoc est de medio ignis

Quattuor facies uni erant et quattuor pennae uni pedes eorum pedes recti planta pedis eorum ut vituli et scintillae quasi aspectus aeris candentis

Sub pennis eorum manus hominis in quattuor partibus

Similitudo vultus animalium facies hominis et facies leonis a dextris ipsorum quattuor facies vero vituli a sinistris atque aquilae desuper ipsorum quattuor et facies et pennae extentae desuper erant

Duae pennae singulorum jungebantur et duae tegebant ipsorum corpora

Sapientia domini evangelii eruperunt abyssi et annuntiantes foecundati rore caelesti mundo intonant

Labia eorum salutarem disseminaverunt scientiam opus sanctum dignum benedictione plenum fecerunt ministerium sibi traditum devote impleverunt

Elegit eos de omni carne et dedit illis praecepta et legem vitae et disciplinae

Constitues eos principes super omnem terram*

Facies et pennas per quattuor partes habebant incedentia non revertebantur sed unumquodque ibat ante faciem suam

Pedes eorum pedes recti planta pedis eorum ut planta vituli

Similitudo vultus animalium ut Cathonum ignis ardentium et velut aspectus lampadarum ubi erat spiritus impetus illuc gradiebantur cum ambularent

Et unumquodque eorum ambulabat coram facie sua

Quattuor animalia ibant et revertebantur in similitudinem fulguris coruscantis et erat in medio splendor ignis et de igne fulgur egrediens

Erat autem visio discurrens in medio quattuor animalium

Electi sunt in Christo ante mundi constitutionem ut essent sancti et immaculati in conspectu dei in caritate

Sapientiam eorum narrabunt omnes populi et laudem eorum pronuntiet omnis ecclesia sanctorum

Placentes deo facti dilecti quoniam gratia et misericordia est in sanctos suos et respectus in electos illius

Nimis honorati*

Cum aspicerem animalia apparuit rota una juxta ea quattuor habens facies et una similitudo ipsorum quattuor

Aspectus rotarum et opus erat quasi visio maris

Species firmamenti super caput animalium quasi aspectus crystalli horribilis sub quo erant pennae eorum tectae alterius ad alterum

Unumquodque duabus alis velabat corpus suum et alterum similiter velabatur

Audiebam sonum alarum sicut sonum aquarum multarum quasi sonum sublimis dei nam cum fieret vox super firmamentum quod imminebat capiti eorum stabant et submittebant alas suas

Cum ambularent ut sonus multitudinis atque castrorum erat cum vero starent dimittebantur pennae eorum

Dedisti hereditatem timentibus*

Dilecti deo et hominibus sancti evangelistae qui ordinaverunt tempora Christi bono odore usque ad consummationem vitae

Dederunt in celebratione operis sancti decus ideo memoria eorum est in benedictione in saeculum saeculi

Implevit eos dominus spiritu sapientiae et intellectus jucunditatem et exsultationem thesaurizavit super eos

Ex omni corde laudaverunt nomen sanctum domini ut amplificarent nomen sanctitatis

Datum est opus eorum in veritate ideo in terra sua duplicia possidebunt et laetitia sempiterna erit eis in Christo

Ortu Phoebi*

Annuntiaverunt opera dei*

In medio et in circuitu sedis dei quattuor animalia senas alas habentia oculis undique plena non cessant nocte ac die dicere sanctus sanctus sanctus dominus deus omnipotens qui eras et qui es et qui venturus es alleluia

Dilecti deo*

Exsultet caelum*

In omnem terram exivit sonus eorum*

Tua sunt haec Christe opera qui sanctos tuos ita glorificas ut etiam dignitatis gratiae in eis futurae praeire miracula facias tu insignes evangelii praedicatores animalium caelestium admirabili figura praesignasti his namque caeleste munus collatum gloriosis indiciis es dignatus ostendere hinc laus hinc gloria tibi resonet in saecula