Virginis eximiae Catharinae martyris almae festa celebrare da nobis rex pie Christe

Passionem*

Haec mundum spernens et mundi florida ducens pro nihilo veram studuit agnoscere vitam

Coepit amare deum totumque relinquere mundum caelica mente petens et Christo semper adhaerens

Hanc pius in propriam sibi Christus sumere sponsam dignatus caeli provexit ad altaria summi

Jam Christi thalamum scandit Catharina beatum juncta suo sponso pro quo tulit aspera mundo

Catharinae collaudemus*

Ex ejus tumba*

Inclyta sanctae virginis Catharinae sollemnia suscipiat alacriter pia mater ecclesia ave virgo deo digna ave dulcis et benigna obtine nobis gaudia quae possides in gloria

Adoretur virginum rex in saeculorum saecula virgini qui Catharinae contulit caelestia

Virgo sancta Catharina Graeciae gemma urbe Alexandrina costi regis erat filia

Specie corporis decora nimis enituit sed fide pulchrior sponso superno placuit

Ave virgo speciosa clarior sideribus cujus vultum ac decorem concupivit dominus funde preces creatori pro tuis supplicibus

Traditur ergo a patre doctoribus praecipius imbuenda liberalibus studiis

Diffusa est gratia in labiis tuis

Nobilis et pulchra prudens Catharina puella flagrat amore dei spernit vaga gaudia mundi

Cui rex carne pater fuerat reginaque mater

Martyrium sitiens libamina Caesaris horrens exclamat Christum praeter quem nil venerandum

Daemoniis plena sunt haec ait idola templi

Haec quinquagenos oratores superatos dirigit ad caelos aurum velut igne probatos

Efficiens testes fidei quos pertulit hostes

Gloria patri et filio et spiritui sancto

Traditur*

Cum esset adhuc in annis virgo puerilibus caris orbata parentibus mundi renuntiavit opibus

Maxentius instat impius cum idolorum cultibus puella voce libera haec sunt inquit daemonia et Jesum te Christum solum praedicat os virgineum

Caesar electos convocat rhetores et grammaticos adversus illam disputaturos quos vincens virgo Christi fidem docuit et martyres deo dignos exhibuit

Audi filia et vide*

O quam felices pro te sanctissima plures quos jubet occidi pro Christo turbidus hostis

Cum duce Porphyrio fit martyr Caesaris uxor

Impius hanc Caesar sisti jubet ante tribunal hanc ut pervertat sicut draco vel leo certat

Illa manet constans non blanda vel aspera curans

Virgo flagellatur crucianda fame relegatur carcere clausa manet lux caelica fusa refulget flagrat odor dulcis cantant caeli agmina laudes

Sponsus amat sponsam salvator visitat illam

Gloria patri et filio et spiritui sancto

Gloriosam virginem tyrannus flagellari imperat et cruciandam fame in carcere recludi cui escam per columbam Christus fecit ministrari

Illa deo dum agit gratias in tenebris lux emicat flagrat odor vincens balsama adest et contio angelica lacero corpori caelestia adhibens medicamina

Cum coetu virgineo adveniens salvator sponsus sponsam pie visitat consolatur et roborat constans esto ait filia tecum ego sum nil paveas

Adjuvabit eam*

Horrendo subdenda rotarum machinamento virgo deum clamat de caelis angelus astat ecce repentinam dant plebsque rotaeque ruinam

Tamquam Chaldaeis quondam fornax Babylonis

Percussa gladio dat lac pro sanguine collo quam manus angelica sepelivit vertice Sina

Membris virgineis olei fluit unda salutis

O mater nostra ter sancta quaterque beata cum prece devota famulantum suscipe vota

Jam Christo juncta sponsoque tuo sociata

Gloria patri et filio et spiritui sancto

Aeternae virgo memoriae quam sibi deposcit rex gloriae | virginis proles eximiae sponsusque virginis ecclesiae | tu gaudens hodie de dono gratiae | et cantas in caelo carmen laetitiae | te laudantes in terra respice | atque nostra clementer accipe vota

Te deum laudamus*

Aeterno regi*

Passionem gloriosae virginis Catharinae devote plebs celebrat fidelis quae sui memores deo commendat meritis et juvat beneficiis

Post plurima supplicia martyr alma ad decollandum est ducta ad caelum manus oculos tendens collum submittit gladio orans dat gloriam deo

Exspecto pro te gladium Jesu Christe bone tu meum in paradiso spiritum et fac misericordiam meam agentibus memoriam

Vox de caelis insonuit veni dilecta mea jam veni intra thalamum sponsi tui quod postulas impetrasti pro quo oras salvus erit

Quia devotis laudibus tua sollemnia virgo recolimus o beata Catharina ora pro nobis quaesumus

Pange lingua gloriosae*

Specie tua et pulchritudine*

Benedictus dominus rex caelestis qui per merita beatae Catharinae virginis medelam languidis praestat sanitatis ipsius corporis oleo fideliter perunctis

Prudens et vigilans virgo qualis es cum sponso illo qui te elegit de mundo quam pulchra quam mirabilis quanta luce spectabilis inter Sion juvenculas et Jerusalem filias thalamo gaudes regio conjuncta dei filio

Aeterno regi caelo terraque potenti servans morte fidem virgo conregnat eidem

Atria Jerusalem penetrans et luminis arcem hae jubilat sponso servit cui caelicus ordo

Ad laudes vigilem fontemque deum sitientem Christus suscepit cui virgo fidelis adhaesit

Ignibus exstinctis canit hymnum vox puerilis sic nece consumpta sponsi Catharina sub umbra

Ordo puellarum quam felix candidularum cum quibus haec virgo cantat nova cantica Christo