Vindica domine sanguinem sanctorum tuorum qui effusus est

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Fulgebunt justi et tamquam scintillae in arundineto discurrent judicabunt nationes et regnabunt in aeternum

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo regnabunt in aeternum

Isti sunt viri sancti quos elegit dominus in caritate non ficta et dedit illis gloriam sempiternam quorum doctrina fulget ecclesia ut sol et luna alleluia

Jesu salvator*

Beata vere mater ecclesia quam sic honor divinae dignationis illuminat quam victoriosorum gloriosus martyrum sanguis exornat quam inviolatae confessionis candida induit virginitas

Floribus ejus nec rosae nec lilia desunt

Justorum animae*

O quam gloriosum est regnum in quo cum Christo regnant omnes sancti amicti stolis albis sequuntur agnum quocumque ierit

Regem regum dominum venite adoremus quia ipse est corona sanctorum omnium

Novit dominus viam justorum qui in lege ejus meditantur nocte dieque

Mirificavit dominus sanctos suos et exaudivit eos clamantes ad se

Admirabile est nomen tuum domine quia gloria et honore coronasti sanctos tuos et constituisti eos super opera manuum tuarum

Justorum animae in*

Summae trinitati simplici deo una divinitas aequalis gloria coaeterna majestas patri prolique sanctoque flamini qui totum subdit suis orbem legibus

Praestet nobis gratiam deitas beata patris ac nati pariterque spiritus almi

Ad nutum domini nostrum ditantis honorem sicut spina rosam genuit Judaea Mariam

Ut vitium virtus operiret gratia culpam

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelitus ordo dicens

Domine qui operati sunt justitiam habitabunt in tabernaculo tuo et requiescent in monte sancto tuo

Haec est generatio quaerentium dominum quaerentium faciem dei Jacob

Timete dominum omnes sancti ejus quoniam nihil deest timentibus eum ecce oculi domini super justos et aures ejus in preces eorum

Exsultent justi in conspectu*

Inter natos mulierum non surrexit major Joanne Baptista qui viam domino praeparavit in heremo

Fuit homo missus a deo cui nomen Joannes erat

Gregem tuum pastor aeterne ne deseras sed per beatos apostolos tuos perpetua defensione custodias

Ut a nostris reatibus absolutos a cunctis nos quoque periculis

O constantia martyrum laudabilis o caritas inextinguibilis o patientia invincibilis quae licet inter pressuras persequentium visa sit despicabilis invenietur in laudem et gloriam et honorem in tempore retributionis

Nobis ergo petimus piis subveniant meritis honorificati a patre qui est in caelis

Gloria patri et filio et spiritui sancto*

Domine spes sanctorum et turris fortitudinis eorum dedisti hereditatem timentibus nomen tuum et inhabitabunt in tabernaculo tuo in saecula

Beati quos elegisti domine habitabunt in atriis tuis etenim clamabunt et hymnum dicent

Qui diligitis dominum laetamini in domino et confitemini memoriae sanctitatis ejus

Laetamini in domino et exsultate*

Concede nobis domine quaesumus veniam delictorum et intercedentibus sanctis quorum hodie sollemnia celebramus talem nobis tribue devotionem ut ad eorum pervenire mereamur societatem

Adjuvent nos eorum merita quos propria impediunt scelera excuset intercessio accusat quos actio et qui eis tribuisti caelestis palmam triumphi nobis veniam non deneges peccati

Audivi vocem de caelo venientem venite omnes virgines sapientissimae oleum recondite in vasis vestris dum sponsus advenerit

Media nocte clamor factus est ecce sponsus venit*

Beati estis sancti dei omnes qui meruistis consortes fieri caelestium virtutum et perfrui aeternae claritatis gloria ideoque deprecamur ut memores nostri intercedere dignemini pro nobis ad dominum deum nostrum

Gaudete justi et exsultate ecce enim merces vestra corpora est in caelis

Justi autem in perpetuum*

Vidi turbam magnam quam dinumerare nemo poterat ex omnibus gentibus stantes ante thronum*

Et omnes angeli stabant in circuitu throni et seniorum et ceciderunt in facies suas et adoraverunt deum alleluia

Redemisti nos domino deo in sanguine tuo ex omni tribu et lingua et populo et natione et fecisti nos deo nostro regnum

Omnes sancti dei benedicite domino et omnes servi ejus hymnum dicite ei

Gloria haec est omnibus sanctis ejus

Jesu salvator*

Gloriosus deus in sanctis*

Beati estis sancti dei omnes qui meruistis consortes fieri caelestium virtutum et perfrui aeternae claritatis gloria ideoque precamur ut memores nostri intercedere dignemini pro nobis ad dominum deum nostrum

Justorum animae*

Exsultent justi*

Laetamini in domino*

Scimus quoniam diligentibus deum omnia cooperantur in bonum his qui secundum propositum vocati sunt sancti

Sapientiam sanctorum narrent populi et laudem eorum pronuntiet omnis ecclesia

Reddet deus mercedem laborum sanctorum suorum et deducet illos in via mirabili

Laudem dicite deo nostro omnes sancti ejus et qui timetis deum pusilli et magni quoniam regnavit dominus deus noster omnipotens gaudeamus et exsultemus et demus gloriam deo

Gloria haec est omnibus sanctis ejus

Jesu salvator*

Justorum animae*

Salvator mundi salva nos omnes sancta dei genetrix virgo semper Maria ora pro nobis precibus quoque sanctorum apostolorum martyrum et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur