Ave praesul*

Magnificum*

Auberte praesul*

Laetentur omnium agmina fidelium in beati sollemnitate Auberti qui renitens honore cathedrae pontificalis gloriatur inter choros angelicae dignitatis ipse pro nobis sit intercessor apud Christum cum quo regnat coronatus in aeternum

Caelorum regem laudantes cunctipotentem praesulis Auberti celebremus festa beati

Gloriosus in aetate puerili constitutus Aubertus in sanctis meditationibus perseverabat et operibus

Hic decenter adornatus divinis sanctionibus regis fuit Dagoberti incliti temporibus

Litteralibus denique studiis traditus canis praeibat annosos viros sensibus et moribus

Amavit eum dominus et ornavit eum

Magnificum sacri pontificis Auberti meritum cujus precibus beatus Landelinus evasit Tartari cruciatus

Laudet dominum turba fidelium qui tantum nobis destinavit patronum

Nam cum latrociniis esset deditus sacri Auberti precibus per angelum domini viae veritatis est redditus

Dum sui fidelis precibius benignus faveret Jesus

Quem beatus pontifex cum videret in timore dei perfectum ad presbyteratus culmen evexit eum

Dumque ad purum saeculi negotia relinqueret a diaconatus officio promovens illum

Divina igitur providente gratia Cameracensis sortitus est episcopatus dignitatem

Adeo praesul et rector electus vigilantissime curam commissi gregis servabat et nullo casso labore illudi sinebat

Nihil enim sanctus Aubertus in rebus transitoriis animum occupabat sed spem aeternae dulcedinis ceteros non ut surdus auditor convocabat

Sanctus Aubertus inter tanta hujus pelagi obstacula nullo vanitatis temptamine umquam potuit ab incepto opere deviare

Igitur Dagobertus qui tunc Francorum monarchiam regni regebat audiens opinionem sancti viri crebro ad eum veniebat cupiens de acquisitione caelesti a viro dei aedificari

Erat quidam clericus ortus in villa quae Vallis dicitur vocabulo Landelinus a studio religionis devians quem sanctus Aubertus suis precibus ad viam veritatis reduxit et in caelestis vitae libro diligenter titulavit

Justus ut palma florebit*

Perveniens sacra dei cultrix Waldetrudis ad sacrum dei cultorem Aubertum acceptis ab eo sanctimonialibus indumentis immortalem adepta est sponsum

Postponens saeculum cum omnibus pompis per sacri consultum antistitis

Beata Aldegundis virgo dei venerabilis sacris almi praesulis monitis facta est et ipsa conjux sponsi caelestis

A quo sacrae religionis dum velamen acciperet et in famulatu Christi constanter perseveraret

Athleta dei inclytus et sacerdos magnus Aubertus cursu vitae in timore Christi fideliter consummato hodie sanctorum est in caelis sociatus collegio

Sacris virtutibus redimitus et ideo aeterna gloria coronatus

Gloria patri et filio et spiritui sancto

Debellando forti armato deus praecinctus virtute ante saecula parata beatum Aubertum collocavit in sede

Jubilans domino beatus Aubertus in laetitia servit ei cum angelis in saecula

De luce vigilans beatus Aubertus ad dominum labiis cordis laudat eum sciens quia melior est misericordia ejus super vitas mortalium

Inter spiritus et animas justorum sacerdos ac servus domini Aubertus dum benedixit eum in saeculum propicietur quaesumus suorum reatibus fidelium

Dum beatus Aubertus cantat domino canticum novum laetetur ecclesia Cameracensium quia propitiationem suorum promeretur delictorum

Perfectus in sanctitate et justitia Christi praesul Aubertus hodierna die caeli cubilibus est intronizatus angelorum turmis applaudentibus ac concinentibus benedictus deus

Debellando*

Gloriose praesul Auberte dum cum Christo regnas in aeternitate nobis quaesumus in praesenti veniam obtine ut cursu fideliter peracto tecum magnificemus eum sine fine