Gaude mater ecclesia nova frequentans gaudia lux micat de caligine rosa de spinae germine

Haec est illa stella maris per quam fulsit lux solaris cujus festum celebramus et juvamen imploramus amen

Haec est botrum paritura virga plena gratia qui crucis pressus in proelio convivantes debriat amen

Gratulare et laetare urbs Nazareth optima fecundaris ubertate gratiae casus mortis salus orbis spes datur et veniae amen

O Maria clausus ortus naufragantis mundi portus placa nobis qui te fecit matrem sibi quam elegit

Cordis ac vocis jubilo pangamus laudes domino cujus matris conceptio mundum perfundit gaudio

Suscipe devote praeconia Christi catervae cujus doxa patri sit honor genito cum neupmate sancto

Ave maris stella*

Sicut myrrha*

Ave decus virgineum ave jubar aethereum nobis praesens sollemnitas assit perpes jucunditas tua namque conceptio summa est gratulatio alleluia

Eia pervigiles domino jubilate fideles conceptumque pie sollemnizate Mariae

Quem terra*

Gaude fidelis contio adest ejus conceptio quae delet Evae maculam vitae redonat infulam

Cui Eva oboedivit haec serpentis caput trivit spernens jugum nuptiarum deo vovit caelibatum

A propheta praecinitur et figuris ostenditur quod mulier procederet quae deum virgo pareret

Sicut myrrha*

Fulget dies hodierna digna laude sempiterna qua concepta Maria per quam patet vitae via

Ex germine regali nec non et pontificali

Abrahae stirpe generosa virgo prodit gloriosa quae nullius per exemplum se sacravit deo templum

Haec admiranda cunctis haec est imitanda

Sicut rosa inter spinas illis addit speciem sic venustat suam virgo Maria progeniem germinavit verum florem qui vitalem dat odorem

Cujus cunctorum laus promitur ore piorum

Gloria patri et filio et spiritui sancto

Namque rubus incombustus Moyses qui terruit haec est virgo quae pudore salvo deum genuit

Virga Aaron fructifera Mariae typum sustulit quae nobis fructum attulit nostram qui famem depulit

Isaias ille divus secretorum dei rivus virgae movens mentionem pandit hanc conceptionem

Ave Maria gratia*

Virga de radice Jesse genus duxit inclytum oraculis pro prophetarum quod fuerat proditum inde virgam egressuram florem Christum parituram

Voce prophetiae signatur origo Mariae

Prophetalis nubem levem vox dixit ascendere salvatorem Aegyptique tenebras invisere ut in mortis caligine sedentes lustret lumine

Diffugiunt tenebrae pandunt secreta latebrae

Celebrus dies colitur in qua virgo concipitur quae per obedientiam mundo refudit gratiam ut quod ruit per feminam relevetur per feminam

Ista sunt digna transgressus regere signa

Gloria patri et filio et spiritui sancto

Abrahae fit promissio quod illius successio velut harena cresceret stellisque equalis fieret

Hoc promissum est impletum castae per Mariae fetum quae gignendo granum sevit de qua seges tanta crevit

Vinea quondam sterilis deo cultore fertilis vitem fecundam pullulat fundentem cunctis pocula

Egredietur virga*

Verbum patris mundo fulsit virginis per uterum cujus mentem non gravavit onus premes scelerum ut super vellus pluvia sic descendet in Maria

Solem justitiae collaudant claustra Mariae

Ecce novum per prophetam super terram facere se promittit auctor virum feminam circumdare veneranda novitate prodeunt miracula nam Mariae praegnans alvus dei prolem bajulat

Sanctus obumbrat huic spiritus et gravidavit fitque parens et virgo manet

O Maria clausa porta quam nemo aperuit princeps ille qui transivit deus et homo fuit nec ingressu nec regressu violavit clausulam sed quam prius non habebat sumpsit carnis fibulam sic rogatus tamquam sponsus suo processit thalamo

Perfudit tota sacra virgo te theotocam decrevitque deus filius esse tuus

Gloria patri et filio et spiritui sancto

Adjuvabit eam*

Conceptus hodiernus Mariae semper virginis nemini tergit nexum solvit vetustae originis maestis reddit laetitiam dat criminosis veniam

Gloriosa virgo semper Maria dulcissima precibus te venerandum annuae piissima in ostensis ne labamus a te semper protegamur

Maria plena gratia stirpe concepta regia assistentes tuae laudi miserando nos exaudi

O quam larga te perfudit virgo benedictio qua deletur quam induxit Evae maledictio intende nostris laudibus beata in mulieribus

Dignare me laudare te virgo et puerpera te laudantes ab aerumnis leva super aethera potes enim ut domina poli pondere lumina

Benedicta es Maria laus nostra spes et domina te collaudat colit tremit trina mundi machina in tua conceptione congaudentes confove profutura largiendo nocitura remove alleluia

Gaude fidelis*

Cui Eva*

A prophetis*

Namque*

Virga Aaron*

O Maria*

Perfudit*

Ave maris stella*

Speciosa facta es*

Magnifica Christi mater regina clara caelorum reparatum se laetatur per te coetus beatorum in die tuae conceptionis confer opem intercessionis ut per tua suffragia collaetemur in gloria alleluia