O constantia*

Gloriosus victor Nicasius ipsa quam meruit martyrii claritate et nomine et opere dignus dum in forte sanctorum martyrum victrici laurea tripudiat pro nobis ad deum prius intercessor existat

Jubilemus deo beatorum martyrum regi glorioso qui aeterne gloriae coronam beato dedit martyri Nicasio

In sectatione barbarica dum depopularetur Gallia beatus vir Nicasius qui die ac nocte meditabatur in lege domini forma virtutis factus est commisso sibi gregi

Praeceptum domini praedicans sermone et exercens opere filios suos erudit disciplinam salutis apprehendere

Obsidione circumdatus multorum milium pia confessionis voce clamavit ad dominum et ipse de monte sancto suo ad suam suorumque salutem exaudivit eos

Justorum animae in manu dei sunt

Cum divino judicio sinerentur in servos Christi crassari ministri anti Christi Nicasius fidelis servus domini virtute praecinctus animi

Edoctus a domino non timere eos qui corpus occidunt animam autem occidere non possunt

Sanctus martyr Nicasius velut aurum in fornace tribulationis clausus igne passionis est examinatus per quem probatis coronam vitae fuit percipere dignus quam praeparavit deus se diligentibus

Non enim condignas existimavit passiones hujus temporis ad futuram gloriam

Nicasius pontifex spe gaudens in tribulatio ne patiens per exercitia certaminis formam dedit subdidis ad felicitatem tendere sempiterne quietis

Quos in fide roborabat verbis operum instruebat exemplis

In sanctae spei singularitate constitutus athleta fortis Nicasius quanto tribulationibus angusti abatur exterius tantomagis sinum cordis in caritate dilatabat interius

Hic justus benedictione praefusus caelesti assumpto scuto fidei omnia extinxit jacula inimici et coronam triumphi promeruit de manu domini

Mirabile est et laudabile nomen tuum domine pro cujus amore beatus martyr Nicasius nec adversa pati timuit nec inortem subire formidavit

Exsultent justi*

Agonista invictus Nicasius Christi passionis exemplo sibi proposito eadem se cogitatione armavit talique mente contra rabiem persequentium suis se armare praecepit

Confortatus in domino et in potentia virtutis ejus induit se armatura dei

Beatissimus vir dei Nicasius cum germana sua sanca virgine Eutropia trepidos Christi Anae plebis animos verbis roborabat atque assiduis intercessionibus domino commendabat

Expansis ad caelum manibus firmabat eos benedictionibus

In ovile dominico lupis venientibus bonus pastor Nicasius sancti spiritus virtute roboratus occurrit illis furentibus animam suam prosius ovibus in mortem dare paratus

Surgens ab oratione simul cum beata Eutropia virgine cum psalmis et hymnis spiritualibus

Nicasius Christi martyr strenuus armis virtutum muntius accepit quoque sibi gladium spiritus et ideo ad nihilum deductus est in conspectu ejus hostis malignus

Sicut tuba caelestis ita fortiter roboans ait o victricia arma et utinam in Christo nutibus divinis ministra fortitudo quare contra naturam humanae conditionis victoriam vestrae dignitatis in rabiem convertitis

Si verbum veritatis respuitis et trucidare oves meas perseverante impietate quaeritis me primam sumentes hostiam divine majestati libate

Laetamini in domino et exsultate*

Magnus sacerdos Nicasius in tempo rei racundiae reconciliatio factus hostiam vivam se ipsum deo gratanter obtulit et una secum sibi gregem commissum holocaustum placabile exhibuit

Pro salute plebis sibi credite exorans assidue sacrificium justiciae seipsum Christo sacrificium

Bonus pastor Nicasius simul cum suis ovibus obiectis gladio corporibus certato certamine cursuque consummato coronam in te percepit aeterne

Cui vivere Christus fuit et mori lucrum

O constantia martyrum laudabilis o caritas inextinguibilis quae licet inter pressuras persequentium visa sit despicabilis invenietur in laudem et gloriam et honorem in tempore retributionis

Nobis ergo petimus piis subveniant meritis honorificati a patre qui est in caelis

Beatus pontifex Nicasius per momentaneam tristiciam saeculi labentis ad aeterna pervenit gaudia vitae permanentis

Iter tela furentium corpore positus verus dei cultor Nicasius animo semper caelestibus intentus orationi vacabat attentius

Cum sanctae ejus cervici hostilis gladius iam iamque videretur imminere hac martyr almus pium dominum compellebat voce adhesit pavimento anima mea domine

Mox a sacro ejus corpore licet a vulso capite non tamen desiit complere lingua quod mens omni poscebat instantia vivifica me dicens secundum verbum tuum

Accepta igitur quam tantopere petebat candida immortalitatis stola cum martyrii palma illa victrix anima alacris quia libera deum suum laudans pennis virtutum caelestia petiit regna

Hic est almus praesul Nicasius triumphator saeculi praevalidus qui dum barbaricam rabiem veritatis libertate redarguit ictum furentis gladii in trepida cervice pertulit et repositam sibi a Christo justiciae coronam percepit

Praepollens Christi martyr Nicasius urbis remorum pontifex despecta mundalis pompa gloriae mori pro domino non timuit quem mox caelestis curia iam senatorem suscipit cujus prece continua nos Christe a cunctis facinoribus ex pia