Multa turba Judaeorum iniecerunt manus in salvatorem ille ut agnus innocens non negavit passionem Pilatus dicebat ego nullam causam mortis invenio in eo populus Judaeorum clamabat crucifigatur

Ne perdas cum impiis deus animam meam

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Tamquam nugaces aestimati sumus ab illo et abstinet se a viis nostris tamquam ab immunditiis et perficit novissima iustorum