Audita voce angeli beata Aldegundis dixit cum lacrimis quid retribuam domino pro omnibus quae retribuit mihi qui audivit me cum sim indigna nimis

Respondens autem angelus quid amplius facias ut diligas dominum Jesum Christum in toto corde tuo

Beata Aldegundis virgo dei venerabilis sacris almi praesulis monitis facta est et ipsa conjux sponsi caelestis

A quo sacrae religionis dum velamen acciperet et in famulatu Christi constanter perseveraret

Decore pudicitiae induta alma virgo Aldegundis multis praebuit infirmis opem salutis

Jubilans et exsultans in domino beata Aldegundis virgo contempsit ex asse pompam quae diligitur in mundo

Deus te lucem veram sitiens sanctae Aldegundis anima vigilavit in praeceptis tuis assidua

Benedicta virgo Aldegundis in adversis et prosperis benedicebat dominum praecibus assiduis