De convalle paupertatis ad aeternae quietem gloriae transit mater pietatis Elisabeth gemma Ungariae cujus membris unctionis liquor manat sub roris speciae quo diversae lesionis dolor omnis sanatur variae o mira vis virtutis hujus sanctae regalis vidue quae salutem caecis mutis surdis claudis confert assiduae defuncta

Tua testimonia Christe credibilia nuptis sunt et viduis quas decorem induis et virtutum gloria

Omnis terra domino jubilet et serviat cum hac sancta dei cujus sine termino dulce melos obviat et adhaeret ei

Super vitas melior est misericordia quam laudant labia militantium et laus dulcior triumphantium

Benedicta vidua cujus laus assidua laudi confert hominum benedicit dominum