Sacras merces vincentes precia quas in pignus sumpsit venecia regis nostri redemit copia

Liberalis regis rex omnium per coronam confirmat solium

Gloria patri et filio et spiritui sancto*

Nuntiat in gentibus sertum quod portavit quod a ligno crucifer dominus regnavit

Judicatus nequiter orbem judicabit et certantes fortiter secum coronabit

Diligit judicium honor summi regis et fidele solium per coronae premium firmat lator legis

Corona gloriae in manu domini et diadema regni in manu dei nostri

Diadema dat virgo carneum synagoga crudelis spineum sic coronant regem aetherium