Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem accepit Jesus panem benedixit ac fregit dedit discipulis suis

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea*

Insurrexerunt in me testes iniqui et mentita est iniquitas sibi

Diviserunt sibi vestimenta mea

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Inter iniquos praecerunt me et non pepercerunt animae meae

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Saepivi te et lapides elegi ex te et aedificavi turrin in medio tui

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Cumque injecissent manus in Jesum et tenuissent eum dixit ad eos

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui Et mentita iniquitas sibi

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Alieni insurrexerunt in me et fortes quaesierunt animam meam

Caligaverunt oculi mei a fletu meo quia elongabitur a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Jesum tradidit impius summis principibus sacerdotum et senioribus populi Petrus autem sequebatur a longe ut viderent finem

Adduxerunt autem eum ad Caipham principem sacerdotum ubi scribae et pharisaei convenerant

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabunt

Ab insurgentibus in me libera me domine Quia occupaverunt animam meam

Tenebrae factae sunt dum crucifixisset Jesum Judaei et circa horam nonam exclamavit Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus perforavit et continuo exivit sanguis et aqua

Cum ergo accepisset acetum dixit consummatum est

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Petrae scissae sunt et monumenta aperta sunt et multa corpora sanctorum qui dormierunt surrexerunt

Barabbas latro dimittitur et innocens Christus occiditur nam et Judas armiductor sceleris qui per pacem didicit facere bellum osculando tradidit dominum Jesum

Ecce turba et qui vocabatur Judas venit et dum appropinquaret ad Jesum

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor eris

Memento mei domine deus dum veneris in regnum tuum

Posuerunt super caput ejus causam ipsius scriptam Jesus Nazarenus rex Judaeorum

Omnes amici*

Vinea mea*

Tamquam ad latronem*

Tenebrae factae*

Velum templi*

Barabbas*

In pace in idipsum dormiam et requiescam

Habitabit in tabernaculo tuo requiescet in monte sancto tuo

Caro mea requiescet in spe

In pace in idipsum Dormiam et requiescam

Sepulto domino signatum est monumentum volventes lapidem ad ostium monumenti ponentes milites qui custodirent illud

Accedentes principes sacerdotum ad Pilatum ut juberet custodiri sepulcrum ite inquit custodite sicut scitis illi autem abeuntes munierunt illud

Jerusalem luge et exue te vestibus jucunditatis induere cinere et cilicio quia in te est occisus salvator Israel

Deduc quasi torrentem lacrimas per diem et noctem et non taceat pupilla oculi tui

Plange quasi virgo plebs mea ululate pastores in cinere et cilicio quia veniet dies domini magna et amare valde

Accingite vos sacerdotes et plangite ministri altaris alpgite vos cinere

Elevamini portae aeternales et introibit rex gloriae

Credo videre bona domini in terra viventium

Domine abstraxisti ab inferis animam meam

Collocavit me in obscuris Sicut mortuos saeculi

Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster dirupit

Destruxit quidem claustra inferni et subvertit potentias diaboli

O vos omnes qui transitis per viam attendite et videte si est dolor similis sicut dolor meus

Attendite universi populi et videte dolorem meum

Ecce quomodo moritur justus et nemo percipit corde et viri justi tolluntur et nemo considerat a facie iniquitatis ablatus est justus et erit in pace memoria ejus

Tamquam agnus tondentes se obmutuit et non aperuit os suum de angustia et de judicio sublatus est

Deus adjuvat me et dominus susceptor est animae meae

In pace factus est locus ejus et in Sion habitatio ejus

Factus sum sicut homo sine adjutorio inter mortuos liber

Tu autem domine miserere mei Et resuscita me et retribuam eis

Aestimatus sum cum descendentibus in lacum factus sum sicut homo sine adjutorio inter mortuos liber

Posuerunt me in lacu inferiori in tenebrosis et in umbra mortis

Agnus dei Christus immolatus est pro salute mundi nam de parentis protoplasti fraude facta condolens quando pomi noxialis morte morsu corruit ipse lignum tunc notavit damna ligni ut solveret

Lustris sex qui jam peractis tempus implens corporis se volente natus ad hoc passioni deditus agnus in cruce levatus immolandus stipite

Sicut ovis ad occisionem ductus est et dum male tractaretur non aperuit os suum traditus est ad mortem ut vivificaret populum suum

Tradidit in morte animam et inter sceleratos reputatus est

O mors ero mors tua morsus tuus ero inferne

Plangent eum quasi unigenitum quia innocens dominus occisus est

Attendite universi populi et videte dolorem meum

A porta inferi erue domine animam meam

O vos omnes qui transitis per viam attendite et videte si est dolor sicut dolor meus

Mulieres sedentes ad monumentum lamentabantur flentes dominum

Kyrie eleison*

Sepulto domino*

Jerusalem luge*

Plange quasi*

Sicut ovis*

Alleluia alleluia alleluia

Vespere autem sabbati quae lucescit in prima sabbati venit Maria Magdalena et altera Maria videre sepulcrum alleluia

Alleluia Christus resurrexit amorturis venite adoremus alleluia

Ego sum qui sum et consilium meum non est cum impiis sed in lege domini voluntas mea est alleluia

Postulavi patrem meum alleluia dedit mihi gentes alleluia in hereditatem alleluia

Ego dormivi et somnum coepi et exsurrexi quoniam dominus suscepit me alleluia

Resurrexit dominus Sicut dixit vobis

Angelus domini descendit de caelo et accendens revolvit lapidem et super eum sedit et dixit mulieribus nolite timere scio enim quia crucifixum quaeritis jam surrexit venite et videte locum ubi positus erat dominus alleluia

Angelus domini locutus est mulieribus dicens quem quaeritis Jesum quaeris

Angelus domini locutus est mulieribus dicens quem quaeritis an Jesum quaeritis jam surrexit venite et videte alleluia alleluia

Jesum quaeritis Nazarenum crucifixum surrexit non est hic