Filii tui de longe venient et filiae tuae de latere surgent

Videbis o Jerusalem et afflues et mirabitur et dilatabitur cor tuum quando conversa fuerit ad te multitudo maris fortitudo gentium venerit tibi

Inundatio camelorum operiet te dromedarii Madian et Epha

Pastores prae claritate luminis non permittebantur videre angelum magis turbabantur et facta est vox de caelo dicens nolite timere pax vobiscum ego sum Gabriel angelus ad virginem missus

Annuntio vobis gaudium magnum quod erit omni populo

Ante luciferum*

Maria et flumina*

Reges Tharsis et insulae munera offerrent

Reges Arabum et Saba dona adducent

Omnes de Saba venient R. Aurum et thus deferentes

Vox de caelis sonuit et vox patris audita est hic est filius meus in quo mihi complacui ipsum audite

Caeli aperti sunt super eum et vox facta est de caelo dicens hic est filius meus dilectus in quo mihi complacui

Joannes quidem clamabat dicens ego non sum dignus baptizare dominum respondit Jesus et dixit sine modo sic enim decet nos adimplere omnem justitiam alleluia

Aqua comburit peccatum hodie apparens liberator et rorat omnem mundum divinitatis ope

Pater de caelis filium testificans spiritus sancti praesentia advenit unum edocens qui baptizatur Christus

Baptizatur Christus et sanctificatur omnis mundus et tribuens nobis remissionem peccatorum aqua et spiritu omnes purificans

Super ripam Jordanis stabat beatus Joannes indutus est splendore baptizans salvatorem baptiza me Joannes baptiza me benedico te et tu Jordanis congaudens suscipe me

Baptizat miles regem servus dominum suum Joannes salvatorem aqua Jordanis stupuit columba protestatur paterna vox audita est hic est filius meus