Custodi nos domine*

In pace in idipsum R. Dormiam et requiescam

Astiterunt reges terrae et principes convenerunt in unum adversus dominum et adversus Christum

Diviserunt sibi vestimenta mea et super vestem meam miserunt

Insurrexerunt in me testes iniqui et mentita est iniquitas

Diviserunt sibi vestimenta R. Et super vestem meam

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Ego quidem plantavi te vinea mea electa omne semen verum

Vim faciebant qui quaerebant animam meam

Confundantur et revereantur qui quaerunt animam meam ut auferant

Alieni insurrexerunt in me et fortes quaesierunt animam meam

Insurrexerunt in me testes iniqui R. Et mentita est iniquitas

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Filius quidem hominis vadit sicut scriptum est de eo vae autem homini illi per quem tradetur

Tenebrae factae sunt dum crucifixisset Jesum Judaei et circa horam nonam exclamavit Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus perforavit et continuo exivit sanguis et aqua