Passione adimpleta martyr Christi scandit laeta angelorum laude freta caelorum ad secreta Agnes agno conjungitur Agnus agnem alloquitur veni o virgo dilecta sponsa mea praeelecta sume stolam castitatis et coronam caritatis gaude civis aeternata in sanctorum curia

Sanctae virgines*

Quem terra pontus aethera colit adorat praedicat Agnes ab agni dextera custos amplexus venditur

Cui luna sol et omnia deserviunt per tempora perfusa caeli gratia Agnes desponsat animam

Agnum quocumque ierit Agnes beata sequitur eo quod custodierit carnem puram qua tegitur

Arravit sponsum et annulum servat haec virgo sapiens et vitam per martyrium meretur Christum confitens

Amans sponsam et thalamum Agnes ornata possidens orat pro nobis dominum Christo devotos protegens

Quaesumus auctor omnium in hujus vitae stadio per Agnetis suffragium crescat nostra devotio

Gloria tibi domine qui natus es de virgine pro cujus Agnes nomine fuso triumphat sanguine

Audi filia et vide*

Salve felix margarita martyrio redimita Christo sponso jam unita qui pro mundi hujus vita tibi dedit infinita aeternae vitae gaudia atque Agnes insignita tua prece nos invita

Caeli regem adoremus voti per obsequia et in psalmis jubilemus Agnetis sollemnia

Festum Agnetis virginis caelebremus et martyris quae cum sanctis virginibus nunc gaudet in caelestibus | Genere quidem nobilis sed nobilior meritis corpore erat invenis et visu delectabilis | Haec tortoris incendia amicorum solacia sprevit et mundi dulcia propter caelorum gaudia | O specialis filia Christi et nostra domina tu ipsum semper invoca et illud nobis inpetra | Post hujus vitae terminum videre dei filium patrem et sanctum spiritum per sempiterna saecula | Concede sancta trinitas et principalis unitas informatrix spirituum quae regnas in perpetuum | Amen

Discede a me*

Diffusa est gratia*

Diem festum*

Dextram meam*

Amo Christum*

O Agnes beata que es inviolata et pro Christo martyrizata ab ipso remunerata et in caelo collocata delectantes in tuo servicio praece pia caeli junge gaudio

Ubi sancti et humiles corde deum laudant sine termino

Gloria patri et filio et spiritus sancto

Cujus pulchritudinem*

Specie tua et pulchritudine*

Omnipotens adorande colende*

Ipsi sum desponsata*

Concupivit*

Sanctae virgines domini laudes canite virgini que dum datur martyrio firma stetit in praelio spreto mundi delicio collum summisit gladio passa pro dei filio cum quo regnat in gaudio

Sponsa Christi a Christo vocatur et aeterne trinitatis gloria coronatur

Gloria patri et filio et spiritus sancto

Stat a dextris ejus*

Adjuvabit eam deus*

Jam corpus ejus*

Pulchra facie*

Mel et lac*

Dedit in meam faciem honoris pulchritudinem ut illum diligerem et ipsi me conjungerem cui angeli serviunt et virtutes oboediunt

Per quem facta sunt omnia ipsi honor et gloria

Gloria patri et filio et spiritus sancto

Ingressa Agnes*

Specie tua*

Ave martyr alma ave vitae palma Agnes deo cara sume laudis vota

Vitam nostram rege et a malis tege bona nobis auge finem bonum posce

Audi pater pie sanctum flamen sive da fili Mariae vita sine fine

Audi filia et vide*

Beata Agnes*

Induit me dominus*

Christi virgo*

Christus circumdedit*

Stans beata Agnes*

Laetare mater ecclesia et deum semper magnifica cui Agnes beata servivit immaculata

Corpore quidem in vincula sed animo prudentis si mundi sprevit gaudia deum amans per omnia

Quam ut vidit filius urbis prefecti unicus statim eam adamavit eique copulari optavit

Munera promittens plurima virgini que sunt ut stercora discede inquit injuria et janua mortis pervia sum regi virginum copulata et suo anulo subarrhata

Adjuvabit eam*

Dedit in meam*

Quem terra pontus*

Audi filia*

O filii ecclesiae magnificate hodie mecum dominum glorie qui respexit benignissime humilitatem sue famule dispersit a me servos immundicie et dedit mihi coronam laeticie

Gaude dei genetrix virgo immaculata (...)

Stat a dextris*

Mel et lac*

Quem terra pontus*

Christi virgo nec terrore concutitur nec blandimento seducitur

Regem virginum*

Jesu corona*

Discede a me pabulum mortis quia jam ab alio amatore praeventa sum

Dextram meam et collum meum cinxit lapidibus pretiosis tradidit auribus meis inaestimabiles margaritas

Posuit signum in faciem meam ut nullum praeter eum amatorem admittam

Induit me dominus cyclade auro texta et immensis monilibus ornavit me

Mel et lac ex ejus ore suscepi et sanguis ejus ornavit genas meas

Ipsi soli servo fidem ipsi me tota devotione committo

Diffusa est*

Diem festum sacratissimae virginis celebremus qualiter passa sit beata Agnes ad memoriam revocemus tertiodecimo aetatis suae anno mortem perdidit et vitam invenit

Ingressa Agnes turpitudinis locum angelum domini praeparatum invenit

Dextram meam et collum meum cinxit lapidibus pretiosis tradidit auribus meis inaestimabiles margaritas et circumdedit me vernantibus atque coruscantibus gemmis

Induit me dominus cyclade auro texta et immensis monilibus ornavit me

Diffusa est gratia*

Amo Christum in cujus thalamum introivi cujus mater virgo est cujus pater feminam nescit cujus mihi organa modulatis vocibus cantant quem cum amavero casta sum cum tetigero munda sum cum accepero virgo sum

Mel et lac ex ejus ore suscepi et sanguis ejus ornavit genas meas

Cujus pulchritudinem sol et luna mirantur ipsi soli servo fidem

Christus circumdedit me vernantibus atque coruscantibus gemmis pretiosis

Ipsi sum desponsata cui angeli serviunt cujus pulchritudinem sol et luna mirantur

Nam corpus ejus corpori meo sociatum est et sanguis ejus ornavit genas meas

Laeva ejus sub capite meo et dextera illius amplexabitur me

Ecce quod cupivi jam video quod speravi jam teneo illi sum juncta in caelis quem in terris posita tota devotione dilexi

Specie tua et pulchritudine*

Omnipotens adorande colende tremende benedico te quia filium tuum unigenitum evasi minas hominum impiorum et spurcitias diaboli impolluto calle transivi

Te confiteor labiis te corde te totis visceribus concupisco

Ipsi sum desponsata cui angeli serviunt cujus pulchritudinem sol et luna mirantur ipsi soli servo fidem ipsi me tota devotione committo

Propter veritatem et mansuetudinem et justitiam

Concupivit rex*

Induit me dominus*

Stat a dextris ejus agnus nive candidior Christus sibi sponsam et martyrem consecravit

Adjuvabit*

Jam corpus ejus corpori meo sociatum est et sanguis ejus ornavit genas meas cujus mater virgo est cujus pater feminam nescit

Ipsi sum desponsata cui angeli serviunt cujus pulchritudinem sol et luna mirantur

Veni electa mea*

Pulchra facie*

Mel et lac ex ejus ore suscepi et sanguis ejus ornavit genas meas

Cujus pulchritudinem sol et luna mirantur ipsi soli servo fidem

Ingressa Agnes turpitudinis locum angelum domini praeparatum invenit