Et in novissimo aggravata est via maris trans Jordanem Galilaeae genitum

Populus gentium qui ambulabat in tenebris vidit lucem magnam

Habitantibus in regione umbrae mortis lux orta est eis

Multiplicasti gentem non magnificasti laetitiam

Laetabuntur coram te omnes sicut qui laetantur in messe sicut exsultant victores capta praeda quando dividunt spolia

Jugum enim oneris ejus et virgam humeri ejus et sceptrum exactoris ejus superasti sicut in die Madian

Quia omnis violenta praedatio cum tumultu et vestimentum mistum sanguine erit in combustione et cibus ignis

Parvulus enim natus est nobis et filius datus est nobis

Haec dicit dominus deus convertimini ad me et salvi eritis

Hoc pro remedio Mariae gremio in medio ortus est sol sine devio

Ostende faciem non mortis aciem miserere et dele maciem

De caelo venit vos de terra prodit flos ejus hoxus hujus mors omnes redemit nos

O lector incipe de caelo principe deite reite dic jube domine

Jube domne benedicere

Consolamini consolamini popule meus dicit deus vester

Loquimini ad cor Jerusalem et advocate eam

Quoniam completa malitia ejus divisa est iniquitas illius

Suscepit de manu domini duplicia pro omnibus peccatis suis

Vox clamatis in deserto parate viam domini rectas facite semitas di nostri

Omnis vallis implebitur et omnis mons et collis humiliabitur et erunt prava in directa aspera in vias planas

Et revelabitur gloria domini et videbit omnis caro quod os domini locutum est

Vox clamantis clama

Et dixi quid clamabo

Omnis caro foenum et omnis gloria ejus quasi flos agri

Exsiccatum est foenum et cecidit flos quia spiritus domini sufflavit in eo

Vere foenum est populus

Exsiccatum est foenum et cecidit flos verbum autem domini manet in aeternum

Haec dicit dominus deus convertimini ad me et salvi eritis

Consurge consurge propere Mariae laudes carnere ad nos jam intende domine dic jube benedicere

Jube domne silentium fieri in aures audientium ut possint intellegere et tu benedicere

Consurge consurge induere fortintudine tua Sion induere vestimentis gloriae tuae Jerusalem civitas sancta

Quia non adjiciet ultra ut pertranseat per te incircumcisus et immundus

Excutere de pulvere consurge sede Jerusalem dolve vincula colli tui captiva filia Sion quia haec dicit dominus deus

Gratis venumdati estis et sine argento redimemini quia haec dicit dominus deus

In Aegyptum descendit populus meus in principio ut colonus esset ibi et Assur absque ulla causa calumniatus est eum

Et nunc quid mihi est haec dicit dominus quia ablatus est populus meus gratis

Dominatores tui non aeque agunt dicit dominus et jugiter tota die nomen tuum blasphematur

Haec dicit dominus deus convertimini ad me et salvi eritis

O das novum domini omnes consolamini

Assistantes socii per labores ocii

Fugientes tedia quae astringunt vitia

Ergo lector incipe die jube benedicere

Jube domne silentium fieri in aures audientium ut possint intellegere et tu benedicere

Salvator noster dilectissimi hodie natus est gaudeamus

Neque enim locus fas est esse tristitiae ubi natalis est vitae

Quae consumpto mortalitatis timore ingerit nobis de promissa aeternitate laetitiam

Nemo ab hujus alacritatis perceptione secernitur ubi cunctis laetitia communis est ratio

Quia dominus noster peccati mortisque destructor sicut nullum a reatu liberum reperit ita pro liberandis omnibus venit

Exsultet sanctus quia propinquat ad palmam

Gaudeat peccator quia invitatur ad veniam

Animetur gentilis quia vocatur ad vitam

Tu autem domine miserere nobis