Christi fidelis famulus prudens quoque Gregorius post quam suo in tempore vixit ejus familiae caelo reddidit animam terrae carnis materiam

Gregorius ortus Romae*

Lineam sui generis*

Justum deduxit*

Adhaerebat*

Amavit eum dominus*

Gregorius ut creditur*

Justus ut palma florebit*

Gregorius vigiliis*

Lentis quidem*

Caelesti*

Bissenos*

Justus ut palma*

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi Quo te gaudemus perfrui

Praeclarum late tibi vir sine fine beate nomen non fictae fidei manet o Benedicte

Membra specu claudis quo factus es hostia laudis carnem districte dum frenas o Benedicte

Instar tu Christi patiens ad cuncta fuisti pacis et indictae cultor pius o Benedicte

Hic probris actus tumidisque peripsimam factus jam noys invictae palmam geris o Benedicte

Alme pater*

Christe sanctorum*

Os justi*

Magna semper et praeclara deum decent praeconia cujus igne spernens mundum fulges in turba caelitum o confessor Benedicte vota servorum suscipe

O laudanda sancti Benedicti merita gloriosa qui dum pro Christo patriam mundique sprevit pompam adeptus omnium contubernium beatorum et particeps factus praemiorum aeternorum

Inter choros confessorum splendidum possidet locum ubi ipsum fontem omnium intuetur bonorum

Gloria patri et filio et spiritus sancto

Ut Christo celebri jubilemus laudes venite qui dedit aeternae Benedicto gaudia vitae

Christe sanctorum*

Benedictus tam nomine quam gratiarum munere e nursia progenitus claris fulsit parentibus

Hic ergo Romae traditus disciplinis scholaribus nil scire duxit commodum nisi crucis mysterium

Mundum suis cum floribus scienter sprevit nescius Jesuque ferens stigmata speluncae petit abdita

Sanctum Romanus habitum dat illi fert subsidium sed magister invidiae saevit in illum lapide

In specu sub quo latitat dei miles se cruciat sed rex mundi cui militat hunc sacerdote visitat

Athleta dei gravibus poenis ardens exterius hostis in mente jacula igne restrinixit ignea

Justum deduxit dominus*

Florem mundi periturum despexit tamquam aridum ut floreat in aeternum Benedictus ante deum

Pennas sumens ut columbae recessit gaudens requie

Puer fletum subsecutae consolatus nutriculae vas ubi prece solidat fugit ne laude pereat

Elongatus a nutrice mansit in solitudine

Agnosce dei famule surrexit Christus hac die assunt quas misit epulae cujus amore percipe

Haec dies quam fecit deus in qua jubet exsultemus

Electo grex mortiferum patri ferebat poculum sed vir dei signo vitae vas rupit tamquam lapide

Intenderunt arcum suum ut perderent innoxium

Gloria patri et filio et spiritus sancto

Jam latius innotuit quasi lampas emicuit fit Benedictus celebris frequentatur a populis

Ejus ergo sub tramite multi dum certant vivere locis florent duodenis fulget ipse miraculis

Hic non impar Eliseo ciet ferrum de profundo sensus et corda perspicit praesens absentes arguit

Maurus verbo currens patris Petri fertur vestigiis super liquens elementum mersumque trahit Placidum

Favent cuncta Benedicto vas sponte manat oleo fugit vita spernit terra ejus privatum gratia

O quanta plenus gratia qui respectu rumpit vincula sedens curvat imperia Benedictus per saecula

Amavit eum dominus*

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat

Benedictus quam devotas deo solvebat gratias ire videns ut columbam caelo sororis animam

Uterque duxit gaudia soror caelo hic in cella

O Israelita verus cor in deum dilatatus qui infra se angustatam vidit omnem creaturam

Caelo quoque ferri sanctam Germani cernens animam

Alme pater qui praescius tui sacrati transitus hunc praenotasti fratribus tuere nostros exitus

Per te ducem clarissimum ut transeamus a deum

Gloria patri et filio et spiritus sancto

Benedictum propheticis condecoremus canticis qui tam fulsit prophetia quam et doctrinae gratia

Justus ut palma*

Grandi pater fiducia morte stetit pretiosa qui elevatis manibus caelos scandit in precibus

Fecit Christe quod jussisti te secutus spe praemii

Fratribus illuxit Benedictus quae via duxit usque polum surgens et multa lampade fulgens

Virque super cadens micuit quae sit via pandens

Ecce jam cari noscite quam claro scandit tramite Benedictus ad sidera qui hic reliquit omnia

Accepit ergo centuplum et vitam in perpetuum

Gloria Christe tuo tibi personet in Benedicto quem faciens tecum sanctis regnantibus aequum jam quibus aequasti gaudentibus associasti

Nos ejus norma rege serva terge reforma

Gloria patri et filio et spiritui sancto

Armis praecinctus verae fidei Benedictus idola dum stravit sedem tibi Christe paravit

Huic jubilate quod pater iste par sit Eliae par quoque Moysi dum lapis illi flumina fundit corvus obaudit

Quemquam non laesit post te dominator adhaesit utque David doluit hostis ut occubuit

Laus puerilis hunc benedicite qui puerorum per Benedictum corpora vitae trinus et unus trina reformat

Tympana laeta chori mens consona concinet ori ac dominum laudet quo servus in aethere gaudet

Amavit eum dominus*

Hujus o Christe*

Os justi meditabitur*

Benedictus es domine qui Benedicti animae dum caeli confers gaudia glorificas terris membra dum et specu quo latuit per te virtus emicuit

Benedictus tam*

Hic non impar*

Justum deduxit dominus*

Favent cuncta*

Amavit eum*

O quanta*

Praeclarum late*

O caelestis norma vitae doctor et dux Benedicte cujus cum Christo spiritus exsultat in caelestibus gregem pastor alme serva sancta prece corrobora via caelos clarescente fac te duce penetrare

Gaude et laetare*

Salve nobilis*

Ave maris stella*

Elegit eam deus*

Ingressus angelus ad Mariam ait ave gratia plena dominus tecum

Ave Maria gratia plena dominus tecum

Fit porta*

Missus est angelus Gabriel a deo in civitatem Nazareth ad virginem desponsatam viro cui nomen Joseph

Ingressus angelus ad Mariam ait ave gratia plena dominus tecum

Maria turbatur in sermone angeli et cogitabat qualis esset haec salutatio

Respondens angelus dixit ad Mariam ne timeas Maria invenisti enim gratiam apud dominum

Ecce concipies et paries filium et vocabis nomen ejus Jesum hic erit magnus et filius altissimi vocabitur

Dabit illi deus sedem David patris ejus et regnabit in domo Jacob in aeternum et regni ejus non erit finis