Quadam die*

Virginis proles*

Audi filia*

Adest sollemnitas sacratissima dies arridet jucundissima in qua gloriosa virgo Margarita per martyrii pressuram epolita pretiosa caelestis structurae super addita est Margarita cujus nunc unanimes insistentes laudibus ut pro nostris reatibus interveniat quaesumus

Auctorem vitae Christum laudare venite cui Margarita conregnat in aethere laeta

Jesu corona virginum*

Haec virgo praedicans nomen tuum Jesu bone a te meruit coronari gloria et honore

Testimonium domini fidele sapientiam praestitit parvulae hostis ideo saevissimus non dominatus est ejus

Innocentiam retinens mundumque cor diligens per poenas temporales portas introivit aeternales

Desiderans speciem ejus benedixit eam deus trahens illam ad se in laetitia et exsultatione

Virtutum dominus susceptor illius arcum potentis confregit qui carnaliter eam occidit

In medio templi regis sempiternam misericordiam suscepit qua jugiter gaudebit

Diffusa est gratia in*

Felix igitur Margarita sacrilego sanguine progenita fidem quam spiritu sancto percepit vitiorum maculis non infecit

Ibat de virtute in virtutem ardenter sitiens animae salutem

Haec modica quidem in malitia sed mire vigens pudicitia praeventa gratia redemptoris oviculas pascebat nutricis

Simplex fuit ut columba quemadmodum serpens astuta

Fulcite me floribus stipate me malis quia amore langueo

Adjuro vos filiae Jerusalem si inveneritis dilectum ut annuntietis ei

Quadam die Olybrius molestus deo et hominibus dum transiens visum in illam sparsit mox in concupiscentia ejus exarsit

Erat enim nimium formosa in vultu scilicet floruit ut rosa

Gloria patri et filio et spiritus sancto

Dum esset*

Dum esset rex in accubitu suo nardus mea dedit odorem suavitatis

Dicta sunt gloriosa de te virgo speciosa sis memor hinc nostri devotos quos tibi nosti

In populis annuntiemus mirabilia quae fecit deus hac in beata virgine quia vixit absque crimine

Surge aquilo et veni*

Tubis in ductilibus psallat omnis spiritus judicaturo cuncta saecula in quo jam exsultat haec agni pedissequa

Nigra sum sed*

Aquae multae*

Specie tua et pulchritudine*

Misit protinus clientes ad inquirendos ejus parentes ut si libera probaretur in conjugium sibi copularetur

Sed hanc qui desponsaverat non ita praeordinaverat

Cum tyrannus intellexit quod eum virgo despexit jussit eandem iratus suis praesentari tribunalibus

Quam sperans puellarum more minis flecti subjuncto terrore

Virgo flagellatur crucianda fame relegatur carcere clausa manet lux caelica fusa refulget fragrat odor dulcis cantant caeli agmina laudes

Sponsus amat sponsam salvator visitat illam

Virgo veneranda in magna stans constantia verba contempsit judicis nil cogitans de rebus lubricis

Caelestis praemii spe gaudens in tribulatione erat patiens

Gloria patri et filio et spiritus sancto

O Margarita caelorum virgo secreta jam conscendisti suavissima victima Christi ora pro nobis virtus quod crescat amoris

Adjuvabit eam deus vultu suo*

Post carceris squalorem carnisque macerationem Christi dilecta tenebrosis denuo recluditur in locis

Nomen domini laudare non desinens et glorificare

Sancta martyre precatibus instante draco foetore plenus apparuit qui hanc invadens totam absorbuit

Quem per medium signo crucis discidit et de utero ejus illaesa exivit

Surge virgo et nostras sponso preces aperi tua vox est dulcis in aure domini quae pausas sub umbra dilecti ab aestu mundi transfer nos ad amoena paradisi

Pulchrae Sion filia pro mortali tunica agni tecta vellare et corona gloriae

Fortis agonista secum meditatur ut ista astitit exorat daemon sua crimina prodat cogitur afflictus discedit denique victus

Fratrem truncatum dolet ac sese superatum

Gloria patri et filio et spiritus sancto

Regnum mundi*

Martyr insignis Margarita juxta praefecti decreta ocius carceris subtrahitur ejusque conspectibus sistitur

Cumque nullis blanditiis ad consensum molliretur judicis furore nimio inflammatus praecepit eam accendi lampadibus

Ministri statim tenellae corpus comburebant puellae sed haec oratione facta igne permansit intacta

Vas immensum aqua plenum praeses imperat afferri et in illud virginem ligatam demergi

Laudabilis dominus in suis virtutibus vincula manuum relaxavit suamque famulam de morte liberavit

Specie tua*

Virginis proles*

Audi filia et vide*

Per viscera misericordiae dominus nos (...)

Haec virgo praedicans*

O Margarita caelorum*

Desiderans*

Videntes haec mirabilia baptizati sunt quinque milia quos capite plecti censuit ira praefecti quibus est addicta Christi testis invicta benedicens deum deorum in saecula saeculorum

Martyr insignis*

Cumque nullis*

Ministri*

Laudabilis*

Adjuvabit eam*

Virginis proles opifexque matris*

Audi filia et vide et inclina aurem tuam Quia concupivit*

Magnificemus dominum salvatorem omnium in spiritu exsultantes et festum celebrantes beatae Margaritae ancillae humilis suae nos ut ejusdem precibus criminum expurgemur faecibus