Viri Galilaei quid aspicitis in caelum hic Jesus qui assumptus est a vobis in caelum sic veniet alleluia

Cumque intuerentur in caelum euntem illum dixerunt alleluia

Elevatis manibus benedixit eis et ferebatur in caelum alleluia

Exaltate regem regum et hymnum dicite deo alleluia

Videntibus illis elevatus est et nubes suscepit eum in caelo alleluia

Jesu nostra redemptio amor et desiderium deus creator omnium homo in fine temporum

Quae te vicit clementia ut ferres nostra crimina crudelem mortem patiens ut nos a morte tolleres

Inferni claustra penetrans tuos captivos redimens victor triumpho nobili ad dexteram patris residens

Ipsa te cogat pietas ut mala nostra superes parcendo et voti compotes nos tuo vultu saties

Tu esto nostrum gaudium qui es futurus praemium sit nostra in te gloria per cuncta semper saecula

Ascendit deus in jubilatione alleluia R. Et dominus in voce tubae

Pater manifestavi nomen tuum hominibus quos dedisti mihi nunc autem pro eis rogo non pro mundo quia ad te venio alleluia

Dominus in caelo alleluia R. Paravit sedem suam alleluia

O rex gloriae domine virtutum qui triumphator hodie super omnes caelos ascendisti ne derelinquas nos orphanos sed mitte promissum patris in nos spiritum veritatis alleluia