Sanctorum meritis*

Laetamini in domino et exsultate justi*

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo gaudent in aeternum

Regem martyrum dominum venite adoremus

Mirabilem deum in sanctis suis venite adoremus collaudantes

Novit dominus viam justorum sanctorum iter praepanitum

Absterget deus omnem lacrimam ab oculis sanctorum suorum quoniam priora transierunt

Viri sancti gloriosum sanguinem fuderunt pro Christo ideo coronas triumphales meruerunt

Laetamini in domino et exsultate*

Absterget deus omnem lacrimam ab oculis sanctorum et jam non erit amplius neque luctus neque clamor sed nec ullus quoniam priora transierunt

Non esurient neque sitient amplius neque cadet super illos sol neque ullus aestus

Viri sancti gloriosum sanguinem fuderunt pro domino amaverunt Christo in vita sua invitati sunt eum in morte sua et ideo coronas triumphales meruerunt

Unus spiritus et una fides erat in eis

Tradiderunt corpora sua propter deum ad supplicia et meruerunt habere coronas perpetuas

Laverunt stolas suas et candidas eas fecerunt in sanguine agni

Tradiderunt corpora sua propter deum ad supplicia ut heredes fierent aeterne vite

Immania enim pro Christo in suis corporibus pertulerunt tormenta et ideo accipere meruerunt in marcescibilem glorie coronam

Sancti ludibria et verbera experti in super et vincula et carceres temptati sunt et in occisione gladii mortui sunt pro domino

Exsultent justi in conspectu dei*

Tamquam aurum in fornace probavit electos dominus et quasi holocausti hostiam accepit illos et in tempore erit respectus illorum quoniam donum et pax est electis dei

Qui confidunt in illo intellegent veritatem et fideles in dilectione acquiescent illis

Verbera carnificum non timuerunt sancti dei morientes pro Christi nomine ut heredes fierent aeterne vite

Tradiderunt corpora sua propter deum ad supplicia

Laverunt stolas suas et candidas eas fecerunt in sanguine agni

Isti sunt qui venerunt ex magna tribulatione et laverunt stolas suas

Gloria patri et filio et spiritui sancto

Deus tentavit illos et invenit illos dignos se ideo accipient regnum decoris de manu domini

Sanctorum sicut aquilae juventus renovabitur florebunt sicut lilium in civitate domini

Ecce merces sanctorum copiosa est apud deum ipsi vero mortui sunt pro Christo et vivunt in aeternum

Justi autem in perpetuum vivent*

Salus autem justorum a domino et protector eorum est in tempore tribulationis et adjuvabit eos dominus et liberavit eos et eruet eos a peccatoribus et salvabit eos quia speraverunt in eo

Et clamaverunt ad dominum cum tribularentur et de necessitatibus eorum liberavit eos

O veneranda martyrum gloriosa certamina qui in suis corporibus pro Christo immania pertulerunt tormenta et ideo percipere meruerunt immarcescibilem aeternae gloriae coronam

Despecta namque praesentis vitae luce contemptoque suorum corporum cruciatu saevientem mundum dei pro honore vicerunt

O constantia martyrum laudabilis o caritas inextinguibilis o patientia invicibilis quae licet inter pressuras persequentium visa sit despicabilis invenietur in laudem et gloriam et honorem in tempore retributionis

Nobis ergo petimus piis subveniant meritis honorificati a patre qui est in caelis

Gloria patri et filio et spiritui sancto

Sancti tui domine mirabile consecuti sunt iter servientes praeceptis tuis ut invenirentur illaesi in aquis validis terra apparuit arida et in mari Rubro viam sine impedimento

Sitierunt et invocaverunt te et data est eis aqua de petra altis sima

In circuitu tuo domine lumen est quod numquam deficiet ibi constituisti lucidas mansiones ibi requiescunt sanctorum animae

Magnus dominus et laudabilis valde in civitate dei nostri in monte sancto ejus

Propter testamentum domini et leges paternas sancti dei astiterunt in amore fraternitatis quia unus fuit semper spiritus in eis et una fides

Fuerunt sine querela ante dominum et ab invicem non sunt separati

Reddet deus mercedem laborum sanctorum suorum et deducet illos in via mirabili quoniam dextera sua teget eos et brachio sancto suo defendet illos

Accipient regnum decoris et diadema spetici de manu domini

Sancti per fidem vicerunt regna operati sunt justitiam adepti sunt promissiones et fortes facti sunt in bello omnes testimonio fidei probati

Castra verterunt exterorum effugarunt aciem gladii

Justorum animae in manu dei sunt et non tanget illos tormentum mortis visi sunt oculis insipientium mori illi autem sunt in pace

Deus tentavit illos et invenit illos dignos se

Justorum autem animae in manu dei sunt et non tanget illos tormentum malitiae

Vestri capilli capitis omnes numerati sunt nolite timere multis passeribus meliores estis vos

Corpora sanctorum in pace sepulta sunt et vivent nomina eorum in aeternum

Martyres domini dominum benedicite in aeternum

Exsultabunt sancti in gloria laetabuntur in cubilibus suis

Mirabilis deus in sanctis suis

Martyres sancti inter acerrimos dolores spe gaudentes in tribulatione orabant dominum et dicebant judica domine sanguinem nostrum et libera nos ab homine iniquo et doloso

Isti sunt sancti qui pro amore dei minas hominum contempserunt Christi eum martyres in regnum aeternum exsultant cum angelis o quam pretiosa est mors sanctorum qui assidue assistunt ante dominum et ab invicem non sunt separati

Fulgebunt justi et tamquam scintillae in arundineto discurrent judicabunt nationes et regnabunt in aeternum

Justorum est enim regnum caelorum qui contempserunt vita mundi et pervenerunt ad praemia regni et laverunt stolas suas in sanguine agni