Iste sanctus pro lege dei sui certavit usque ad mortem et a verbis impiorum non timuit fundatus enim erat super firmam petram

Regem martyrum dominum venite adoremus

Regem magnum aeternum venite adoremus dominum qui martyrem suum mirabiliter coronavit genesium Laurentium

In lege domini fuit voluntas ejus die ac nocte

Praedicans praeceptum domini constitutus est in monte sancto ejus

Voce mea ad dominum clamavi et exaudivit me de monte sancto suo

Gloria et honore*

Iste sanctus pro lege dei sui certavit usque ad mortem et a verbis impiorum non timuit fundatus enim erat supra firmam petram

Munimine regio septus nullatenus est ab adversariis superatus

Domine praevenisti eum in benedictionibus dulcedinis posuisti in capite ejus coronam de lapide pretioso

Vitam petiit ad te et tribuisti ei longitudinem dierum in saeculum saeculi

Posuisti domine super caput ejus coronam de lapide pretioso vitam petiit a te et tribuisti ei in saeculum saeculi

Desiderium animae ejus tribuisti ei et voluntate labiorum ejus non fraudasti eum

Hic est vir qui non est derelictus a deo in die certaminis sui et ipse conculcavit caput serpentis antiqui modo coronatur quia fideliter vicit in mandatis domini

Armis divinis praecinctus saevitiam persequentium feliciter superavit

Filii hominum scitote quia dominus sanctum suum mirificavit

Scuto bonae voluntatis tuae coronasti eum domine

In universa terra quia gloria et honore coronasti eum domine

Posuisti domine super caput ejus*

Qui me confessus fuerit coram hominibus dicit dominus confitebor et ego eum coram patre meo qui est in caelis

Si quis mihi ministraverit honorificabit eum pater meus

Hic est vere martyr qui pro Christi nomine sanguinem suum fudit qui minas judicum non timuit nec terrenae dignitatis gloriam quaesivit sed ad caelestia regna pervenit

Fuit enim in eo adversus persecutiones mundi Christiani pectoris infatigata constantia

Posuit coronam capiti meo et circumdedit me vestimento salutis ad expugnandas gentes et omnes inimicos

Apprehende arma et scutum et exsurge in adjutorium mihi

Justus dominus et justitias dilexit aequitatem vidit vultus ejus

Habitabit in tabernaculo tuo requiescet in monte sancto tuo

Posuisti domine super caput ejus coronam de lapide pretioso

Magna est gloria*

Iste cognovit justitiam et vidit mirabilia magna et exoravit altissimum et inventus est in numero sanctorum

Iste est qui contempsit vitam mundi et pervenit ad caelestia regna

Gloria et honore coronasti eum domine et constituisti eum super opera manuum tuarum omnia subjecisti sub pedibus ejus

Posuisti in capite ejus coronam de lapide pretioso

Stolam jucunditatis induit eum dominus et coronam pulchritudinis posuit super caput ejus

Beatificavit illum in gloria et ostendit illi gloriam suam

Corona aurea super caput ejus expressa signo sanctitatis gloria honoris et opus fortitudinis

Quoniam praevenisti eum in benedictionibus dulcedinis posuisti in capite ejus coronam de lapide pretioso

Vir inclytus Vincentius et Genesius martyr domini gloriosus succensus igne divini amoris constanter sustinuit supplicia passionis et per immanitatem tormentorum pervenit ad societatem angelorum

Cujus intercessio nobis obtineat veniam qui per tormenta passionis aeternam promeruit palmam et sempiternam coronam

Qui me confessus fuerit coram hominibus confitebor et ego eum coram patre meo

Qui sequitur me non ambulat in tenebris sed habebit lumen vitae dicit dominus

Si quis mihi ministraverit honorificabit eum pater meus qui est in caelis dicit dominus

Si quis per me intraverit salvabitur et pascua inveniet dicit dominus

Volo pater ut ubi ego sum illic sit et minister meus

Qui mihi ministrat me sequatur et ubi ego sum illic et minister meus erit

Beatus vir qui suffert tentationem quoniam cum probatus fuerit accipiet coronam vitae quam repromisit deus diligentibus se

Hic est vere martyr qui pro Christi nomine sanguinem suum fudit qui minas judicium non timuit nec terrenae dignitatis gloriam quaesivit sed ad caelestia regna feliciter pervenit