Magnum et mirabilem deum adoremus qui machabaeos respexit in bello

Adaperiat dominus cor vestrum in lege sua et in praeceptis suis et faciat pacem in diebus nostris concedat vobis salutem et redimat vos a malis

Exaudiat dominus orationes vestras et reconcilietur vobis nec vos deserat in tempore malo

Exaudiat dominus orationes vestras et reconcilietur vobis nec vos deserat in tempore malo dominus deus noster

Det vobis cor omnibus ut colatis eum et faciatis ejus voluntatem

Tua est potentia tuum regnum domine tu es super omnes gentes da pacem domine in diebus nostris

Creator omnium deus terribilis et fortis justus et misericors

Congregati sunt inimici nostri et gloriantur in virtute sua contere fortitudinem illorum domine et disperge illos ut cognoscant quia non est alius qui pugnet pro nobis nisi tu deus noster

Disperge illos in virtute tua et destrue eos protector noster domine

Congregatae sunt gentes in multitudine ut dimicent contra nos et ignoramus quid agere debeamus domine deus ad te sunt oculi nostri ne pereamus

Tu scis quae cogitant in nos quomodo poterimus subsistere ante faciem illorum nisi tu adjuves nos

Refulsit sol in clipeos aureos et resplenduerunt montes ab eis et fortituda gentium dissipata est

Erat enim exercitus magnus valde et fortis et appropiavit Judas et exercitus ejus in proelium

In hymnis et confessionibus benedicebant dominum qui magna fecit in Israel et victoriam dedit illis dominus omnipotens

Ornaverunt faciem templi coronis aureis et dedicaverunt altare domino

Ornaverunt faciem templi coronis aureis et dedicaverunt altare domino et facta est laetitia magna in populo

In hymnis et confessionibus benedicebant dominum

Dixit Judas Simoni fratri suo elige tibi viros et vade libera fratres tuos in Galilaeam ego autem et Jonathas frater meus ibimus in Galaaditim sicut fuerit voluntas in caelo sic fiat

Accingimini et estote filii potentes quoniam melius est nobis mori in bello quam videre mala gentis nostrae et sanctorum

Hic est fratrum amator et populis Israel hic est qui multum orat pro populo et universa sancta civitate Jerusalem

Vir iste in populo suo mitissimus apparuit

Aperi caelos tuos domine et vide afflictionem nostram circumdederunt nos gentes ad puniendum nos sed tu domine extende bracchium tuum et libera animas nostras

Afflige opprimentes nos et contumeliam facientes in superbiam et custodi partem tuam

Impetum inimicorum ne timueritis memores estote quomodo salvi facti sunt patres nostri et nunc clamemus in caelum et miserebitur nostri deus noster

Mementote mirabilium ejus quae fecit pharaoni et exercitui ejus in mari Rubro

Dirumpam vincula populi mei dicit dominus et disperdam omnia mala quae induxi super eum et auferet universum laborem a facie terrae et a civitate ista

Revertar ad Jerusalem in misericordiis domus mea aedificabitur in ea

Tu domine universorum qui nullam habes indigentiam voluisti templum tuum fieri in nobis conserva domum istam immaculatam in aeternum domine

Et nunc domine deus noster miserere nobis

Adaperiat dominus cor vestrum in lege sua et in praeceptis suis et faciat pacem in diebus nostris concedat vobis salutem et redimat vos a malis

Congregati sunt inimici nostri et gloriantur in virtute sua contere fortitudinem illorum domine et disperde illos ut cognoscant quia non est alius qui pugnet pro nobis nisi tu deus noster

Domine deus omnium creator qui solus es vitus omnipotens et aeternus qui dedisti patres electos et sanctificasti eos congrega dispersionem nostram in loco sancto tuo et libera nos de manu omnium inimicorum nostrum

Accingimini filii potentes et estote parati pugnare in proelio quoniam melius est nobis mori in bello quam videre mala gentis nostrae et sanctorum sicut fuerit voluntas in caelo sic fiat

Benedictus est salvator patrium nostrorum qui contruisti impetum inimicorum nostrorum te conlaudant omnes qui noverunt nomen tuum in hymnis canentes et benedicunt in caelis qui facta est salus et victoria magna in Israel

Tua est potentia tuum regnum domine tu es super omnes gentes da pacem domine in diebus nostris

Dixit Judas Simoni fratri suo Elige tibi viros et vade libera fratres tuos qui sunt in Galilaeam ego autem et Jonathas frater meus ibimus in Galaaditim sicut fuerit voluntas in caelo sic fiat

Exaudiat dominus orationes vestras et reconcilietur vobis nec vos deserat in tempore malo