Ecce venit rex occurramus obviam salvatori nostro

Jerusalem cito veniet salus tua quare moerore consumeris numquid consiliarius non est tibi quia innovabit te dolor salvabo te et liberabo te noli timere

Israel si me audieris non erit in te deus recens neque adorabis deum alienum ego enim dominus

Ecce dominus veniet et omnes sancti ejus cum eo et erit in die illa lux magna et exibunt de Jerusalem sicut aqua munda et regnabit dominus in aeternum super omnes gentes

Dominus de Sina venit et de Seyr ortus est -- cum eo sanctorum --

Civitas Jerusalem noli flere quoniam doluit dominus super te et auferet a te omnem tribulationem

Ecce in fortitudine veniet et bracchium ejus dominabitur

Ecce veniet dominus protector noster sanctus Israel coronam regni habens in capite suo

Et dominabitur a mari usque ad mare et a flumine usque ad terminos orbis terrarum

Sicut mater consolatur filios suos ita consolabor vos dicit dominus et de Jerusalem civitate quam elegi veniet vobis auxilium et videbitis et gaudebit cor vestrum

Dabo in Sion salutem et in Jerusalem gloriam meam

Jerusalem plantabit vineam in montibus tuis et exsultabis quia dies domini veniet surge Sion convertere ad deum tuum gaude et laetare Jacob quia de medio gentium salvator tuus veniet

Exsulta satis filia Sion jubila filia Jerusalem

Egredietur dominus et proeliabitur contra gentes et stabunt pedes ejus supra montes Olivarum ad orientem

Et elevabitur super omnes colles et fluent ad eum omnes gentes

Alieni non transibunt per Jerusalem amplius et in illa die stillabunt montes dulcedinem et colles fluent lac et mel dicit dominus

Tunc exsultabunt omnia ligna silvarum ante faciem domini quoniam venit

Rorate caeli desuper et nubes pluant justum aperiatur terra et germinet salvatorem

Laetentur caeli et exsultet -- -tudo ejus

Emitte agnum domine dominatorem terrae de petra deserti ad montem filiae Sion

Ex Sion species decoris ejus deus noster manifeste veniet

Radix Jesse qui exsurget judicare gentes in eum gentes sperabunt et erit nomen ejus benedictum in saecula

-- -bus terrae omnes gentes --

Rex noster adveniet Christus quem Joannes praedicavit agnum esse venturum

Super ipsum continebunt reges os suum ipsum gentes deprecabuntur

Ecce in nubibus caeli dominus veniet cum potestate magna alleluia

Urbs fortitudinis nostrae Sion salvator ponetur in ea murus et antemurale aperite portas quia nobiscum deus alleluia

Ecce apparebit dominus et non mentietur si moram fecerit exspecta eum quia veniet et non tardabit alleluia

Montes et colles cantabunt coram deo laudem et omnia ligna silvarum plaudent manibus quoniam veniet dominus dominator in regnum aeternum alleluia alleluia

Ecce dominus noster cum virtute veniet ut illuminet oculos servorum suorum alleluia

Vox clamantis in deserto*

Joannes autem cum audisset in vinculis opera Christi mittens duos de discipulis suis ait illi tu es qui venturus es an alium exspectamus

Ite dicite Joanni caeci vident et surdi audiunt claudi curantur leprosi mundantur