Hodie si vocem domini audieritis nolite obdurare corda vestra

Dicet domino*

Ipse liberavit*

Scapulis suis*

Locutus est dominus ad Moysen dicens descende in Aegyptum et dic pharaoni ut dimittat populum meum induratum est cor pharaonis non vult dimittere populum meum nisi in manu forti

Clamor filiorum Israel venit ad me vidique afflictionem eorum sed veni mittam te ad pharaonem

Stetit Moyses coram pharaone et dixit haec dicit dominus dimitte populum meum ut sacrificet mihi in deserto

Dominus deus Hebraeorum misit me ut dicam tibi

Cantemus domino gloriose enim honorificatus est equum et ascensorem projecit in mare adjutor et protector factus est mihi dominus in salutem

Iste deus meus et honorabo eum deus patris mei et exaltabo eum

In mari via tua et semitae tuae in aquis multis deduxisti sicut oves populum tuum in manu Moysi et Aaron

Transtulisti illos mare Rubrum et transvexisti eos per aquam nimiam

Qui persequebatur populum tuum domine demersisti eos in profundum et in columna nubis ductor eorum fuisti domine

Ad montem quoque Sinai descendisti et locutus est cumeis de caelo et dedisti eis judicia recta et legem veritatis

Moyses famulus domini jejunavit quadraginta diebus et quadraginta noctibus ut legem domini mereretur accipere

Ascendit Moyses in montem Sinai ubi constituit ei dominus

Splendida facta est facies Moysi dum loqueretur ei dominus videntes seniores claritatem vultus ejus admirantes timuerunt valde

Cumque descendisset de monte Sinai portabat duas tabulas lapideas scriptas digito dei

Ecce mitto angelum meum qui praecedat te et custodiat semper observa et audi vocem ejus et inimicus ero inimicis tuis et affligentes te affligam et praecedet te angelus meus

Israel si me audieris non erit in te deus recens neque adorabis deum alienum ego enim dominus

Audi Israel praecepta mea et ea in corde tuo quasi in libro scribe et dabo tibi terram fluentem lac et mel

Terrorem meum mutam in praecursum tuum et occidam omnem prophetam ad quem ingredieris

Observa igitur et audi vocem meam et inimicus ero inimicis tuis et praecedet te angelus meus

Gloria coaeterno patri ejusque filio et spiritui sancto in saecula saeculorum amen

Vos qui transituri estis Jordanem aedificate altare domino de lapidibus quos ferrum non tetigit et offerte super illud holocausta et hostias pacificas deo vestro

Cumque intraveritis terram quam dominus daturus est vobis aedificate ibi altare

Sicut fui cum Moyse ita ero tecum dicit dominus confortare et esto robustus tu introduces populum meum in terram lacte et melle manantem

Hodie incipiam te exaltare coram filiis Israel ut sciant ut sicut eum Moyse fui ita ero tecum

Attendite popule meus legem meam inclinate aurem vestram in verba oris mei

Aperiam in parabolis os meum loquar propositiones ab initio saeculi

Popule meus quid feci aut quid molestus fui tibi responde mihi quoniam ego eduxi te de terra Aegypti et de domo servitutis quadraginta annis in eremo manna plui vobis et obliti estis me dicit dominus

Non sunt attrita vestimenta vestra et calceamenta pedum vestrorum vetustate consumpta

Adduxi vos per desertum quadraginta annis ego dominus non sunt attrita vestimenta vestra manna de caelo plui vobis et obliti estis me dicit dominus

Popule meus quid feci aut quid molestus fui tibi responde mihi quoniam ego eduxi te de terra Aegypti

Abiens Jesus trans mare Galilaeae sequebatur eum multitudo magna quia videbant signa quae fiebant ab eo erat autem proximum pascha dies festus Judaeorum

Subiit ergo in montem Jesus et ibi sedebat cum discipulis suis

Gloria patri et filio et spiritui sancto

Tunc acceptabis sacrificium justitiae si averteris faciem tuam a peccatis meis

Bonum est sperare in domino quam sperare in principibus

Sic in sancto apparui tibi ut viderent virtutem tuam domine

Potens es domine eripere nos de manu mortis liberare nos deus noster

Reges terrae et omnes populi laudate deum

Scuto circumdabit*

Abiit Jesus trans mare Galileae quod est tiberiadis et sequebatur eum multitudo magna quia signa videbant super his qui infirmabantur subiit ergo in montem Jesus et ibi sedebat cum discipulis suis erat autem proximum pascha dies festus Judaeorum

Illi ergo homines cum vidissent quod fecerat signum dicebant quia hic est propheta qui venturus est in mundum

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi hoc autem dixit temptans eum ipse enim sciebat quid esset facturus

Accepit Jesus panes et cum gratias egisset distribuit discumbentibus

De quinque panibus et duobus piscibus satiavit dominus quinque milia hominum