Ipsi vero non cognoverunt vias meas quibus juravi in ira mea si introibunt in requiem meam

Erue a framea*

De ore leonis*

Ne perdas cum*

In die qua invocavi te domine dixisti noli timere Judicasti causam meam et liberasti me deus meus

Audisti opprobria eorum domine omnes cogitationes eorum adversum me

Fratres mei se elongaverunt a me et noti mei quasi alieni recesserunt a me

Derelinquerunt me proximi mei et qui me noverunt

Attende domine ad me et audi voces adversariorum meorum numquid redditur pro bono malum quia foderunt foveam animae meae

Recordare quod steterim in conspectu tuo ut loquerer pro eis bonum et averterem indignationem tuam ab eis

Conclusit vias meas inimicus insidiator factus est mihi sicut leo in abscondito replevit et inebriavit me amaritudine deduxerunt in lacum mortis vitam meam et posuerunt lapidem contra me vide domine iniquitates illorum et judica causam animae meae defensor vitae meae

Factus sum in derisu omni populo meo canticum eorum tota die

Noli esse mihi domine alienus parce mihi in die mala confundantur omnes qui me persequuntur et non confundar ego

Confundantur omnes inimici mei qui quaerunt animam meam

Dominus mecum est tamquam bellator fortis propterea persecuti sunt me et intellegere non potuerunt domine probas renes et corda tibi revelavi causam meam

Vidisti domine iniquitates eorum adversum me judica judicium meum

Salvum me fac deus quoniam intraverunt aquae usque ad animam meam non avertas faciem tuam a me quoniam tribulor velociter exaudi me deus meus

Intende animae meae et libera eam

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis vulneraverunt me et concussa sunt omnia ossa mea ego autem aestimabam me tamquam mortuum super terram

Et dederunt in escam meam fel et in siti mea potaverunt me aceto

Circumdederunt me*

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriantur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Tamquam nugaces aestimati sumus ab illo et abstinet se a viis nostris tamquam ab immunditiis

Viri impii dixerunt opprimamus virum justum injuste et deglutiamus eum tamquam inferi vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Haec cogitaverunt et erraverunt excaecavit enim illos malitia ipsorum

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadant in opprobrium sempiternum et videam vindictam in eis quia tibi revelavi causam meam

Omnes inimici mei audierunt malum meum domine laetati sunt quoniam tu fecisti

Deus Israel propter te sustinui improperium operuit reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Improperium improperantium tibi ceciderunt super me

Locuti sunt adversum me lingua dolosa et sermonibus odii circumdederunt me pro eo ut me diligerent detrahebant mihi ego autem orabam

Et posuerunt adversum me mala pro bonis et odium pro dilectione mea

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cumque audissent quia venit Jesus Jerusalemis exierunt obviam ei

Dominus deus auxiliator meus et ideo non sum confusus

Circumdantes circumdederunt me et in nomine domini vindicabo in eis

Judica causam meam defende quia potens es domine

Cum angelis et pueris fideles inveniamur triumphatori mortis clamantes hosanna in excelsis

Confundantur qui me persequuntur et non confundar ego domine deus meus

Mittens haec mulier in corpus meum hoc unguentum ad sepeliendum me fecit

Erue a framea deus*

De ore leonis*

Principes persecuti*

Erue a framea*

Scriptum est enim percutiam pastorem et dispergentur oves gregis postquam autem resurrexero praecedam vos in Galilaeam ibi me videbitis dicit dominus