Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Consilium fecerunt inimici mei dicentes conteramus eum de terra viventium

Filiae Jerusalem nolite flere super me sed super vos ipsas flete et super filios vestros quoniam venient dies in quibus dicent beatae steriles et ventres quae non genuerunt et ubera quae non lactaverunt tunc incipient dicere montibus cadite super nos et collibus operite nos