Surgens Jesus mane prima sabbati apparuit primo Mariae Magdalenae de qua eiecerat septem daemonia alleluia

Alleluia quem quaeris mulier alleluia viventem cum mortuis alleluia alleluia

Angelus domini descendit de caelo et accedens revolvit lapidem et sedebat super eum alleluia

Jesum qui crucifixus est quaeritis alleluia non est hic surrexit enim sicut dixit vobis alleluia

Venite et videte locum ubi positus erat dominus alleluia

Petrus autem surgens ad monumentum cucurrit et procumbens vidit linteamina sola posita et abiit secum mirans quod factum fuerat alleluia alleluia

Jesum quem quaeritis non est hic sed surrexit recordamini qualiter locutus est vobiscum adhuc in Galilaea esset alleluia

Jesus occurrit illis dicens avete illi autem accesserunt et tenuerunt pedes ejus alleluia

Ite nuntiate fratribus meis alleluia ut eant in Galilaeam alleluia ibi me videbunt alleluia alleluia alleluia

Et recordatae sunt verborum ejus et regressae a monumento nuntiaverunt haec omnia illis undecim et ceteris omnibus alleluia

Si consurrexistis cum Christo quae sursum sunt quaerite ibi Christus est alleluia

Christus resurgens ex mortuis jam non moritur mors illi ultra non dominabitur quod autem vivit vivit deo alleluia

Surrexit dominus de sepulcro qui pro nobis pependit in ligno alleluia alleluia alleluia

Per crucem sanctam salva nos Christe salvator qui moriendo mortem nostram destruxisti et vitam resurgendo reparasti alleluia

Crucem sanctam subiit quae infernum confregit accinctus est potentia surrexit die tertia alleluia

Crucifixus surrexit a mortuis redemit nos sanguine suo alleluia