Joannes apostolus et evangelista*

Valde honorandus est beatus Joannes*

Adoremus regem apostolorum qui privilegio amoris Joannem dilexit apostolum

Joannes apostolus et evangelista virgo est electus a domino atque inter ceteros magis dilectus

Supra pectus domini Jesu recumbens evangelii fluenta de ipso sacro dominici pectoris fonte potavit

Quasi unus ex paradisi fluminibus evangelista Joannes verbi dei gratia in toto terrarum orbe diffudit

Valde honorandus est beatus Joannes*

Valde honorandus est beatus Joannes qui supra pectus domini in cena recubuit cui Christus in cruce matrem virginem virgini commendavit

Virgo est electus a domino atque inter ceteros magis dilectus

Hic est discipulus qui testimonium perhibet de his et scripsit haec et scimus quia verum est testimonium ejus

Fluenta evangelii de ipso sacro dominici pectoris fonte potavit et verbi dei gratiam in toto terrarum orbe diffudit

Hic est beatissimus evangelista et apostulus Joannes qui privilegio amoris praecipui ceteris altius a domino meruit honorari

Hic est discipulus ille quem diligebat Jesus qui et recubuit in cena recubuit supra pectus ejus

In ferventis olei dolium missus Joannes apostolus divina se protegente gratia illaesus exivit

Propter insuperabilem evangelizandi constantiam ab exsilio relegatus divinae visionis et allocutionis meruit crebra consolatione relevari

Occurrit beato Joanni ab exsilio revertenti omnis populus virorum ac mulierum clamantium et dicentium benedictus qui venit in nomine domini

Constitues eos*

Qui vicerit faciam illum columnam in templo meo dicit dominus et scribam super eum nomen meum et nomen civitatis novae Jerusalem

Vincenti dabo edere de ligno vitae quod est in paradiso dei mei

Diligebat autem eum Jesus quoniam speciali praerogative castitatis ampliori dilectione fecerat dignum quia virgo est electus ab ipso in virgo eum permansit

Denique huic moriturus in cruce matrem virginem virgini commendavit

Iste est Joannes qui supra pectus domini in cena recubuit beatus apostolus cui revelata sunt secreta caelestia

Valde honorandus est beatus Joannes qui supra pectus domini in cena recubuit

Apparuit caro suo Joanni dominus Jesus Christus cum discipulis suis et ait illi veni dilecte meus ad me quia tempus est ut epuleris in convivio meo cum fratribus tuis

Expandens manus suas ad deum dixit invitatus ad convivium tuum venio gratias ago quia me dignatus es domine Jesu Christe ad tuas epulas invitare sciens quod ex toto corde meo desiderabam te

Domine suscipe me ut cum fratribus meis sim cum quibus veniens invitasti me aperi mihi januam vitae et perduc me ad convivium epularum tuarum tu es enim Christus filius dei vivi qui praecepto patris mundum salvasti tibi gratias referimus per infinita saeculorum saecula

Annuntiaverunt opera*

In illum diem suscipiam te servum meum et ponam te sicut signaculum in conspectu meo quoniam ego elegi te dicit dominus

Esto fidelis usque ad mortem et dabo tibi coronam vitae

Virgo est electus a domino atque inter ceteros magis dilectus qui supra pectus ejus recumbens evangelii fluenta de ipso sacro dominici pectoris fonte potavit et verbi dei gratiam in toto terrarum orbe diffudit

Spiritus sancti gratia debriatus ceteris altius divinitatis patefecit arcanum

In medio ecclesiae aperuit os ejus et implevit eum dominus spiritu sapientiae et intellectus

Jucunditatem et exsultationem thesaurizavit super eum

Gloria patri et filio et spiritui sancto

Hic est Joannes cui Christus in cruce matrem virginem virgini commendavit

Valde honorandus est beatus Joannes

Cibavit illum dominus pane vitae et intellectus et aqua sapientiae salutaris potavit eum et exaltavit eum apud proximos suos

In medio ecclesiae aperuit os ejus et implevit eum dominus spiritus sapientiae et intellectus

Sic eum volo manere donec veniam quid ad te tu me sequere

Dixit autem dominus Petro

Virgo est electus a domino*

Valde honorandus est beatus Joannes qui supra pectus domini in cena recubuit

Hic est discipulus ille qui testimonium perhibuit et scimus quia verum est testimonium ejus

Ecce puer meus electus quem elegi posui super eum spiritum meum

Sunt de hic stantibus qui non gustabunt mortem donec videant filium hominis in regno suo

Sic eum volo manere donec veniam tu me sequere

Virgo est electus a domino*

Iste est Joannes qui supra pectus domini in cena recubuit beatus apostolus cui revelata sunt secreta caelestia

Iste est discipulus qui dignus fuit esse inter secreta domini ipse solus meruit divina inspiratione dicere in principio erat verbum et verbum erat apud deum et deus erat verbum

Iste est Joannes qui supra pectus domini in cena recubuit quem diligebat Jesus

Hi est Joannes cui Christus in cruce matrem virginem virgini commendavit

Virgo electus a domino virgo in eum permansit alleluia