O beate Lazare pretiose martyr intercede pro nobis ad dominum deum nostrum ut dimittat nobis debita nostra

Adoremus Christum dominum qui per assumptam humanitatem flevit Lazarum et per divinitatis potentiam reduxit eum ad lucis regnum

Erat quidam languens Lazarus a Bethania de castello Mariae et Marthae sororum ejus

Maria erat quae unxit dominum unguento exstersit pedes ejus capillis suis cujus frater Lazarus infirmabatur

Miserunt ergo sorores ejus ad eum dicentes domine ecce quem amas infirmatur

Dixit Martha ad Jesum domine si fuisset hic frater meus non fuisset mortuus sed et nunc scio quia quocumque poposceris a deo dabit tibi deus

Ego credidi quia tu es Christus filius dei qui in hunc mundum venisti

Lazarus amicus noster dormit sed vado a somno exsuscitem eum dixerunt ergo ei discipuli ejus domine si dormit saluus erit

Dixerat Jesus de morte ejus illi autem putaverunt quia de dormitione somni diceret

Jesus ergo ut vidit Mariam plorantem et Judaeos qui venerant cum ea plorantes infremuit spiritu et turbavit semetipsum et dixit ubi posuistis eum dicunt ei domine veni et vide

Quidam autem ex ipsis dixerunt non potui hic qui aperuit oculos caeci facere ut et hic non moretur

Audiens autem Jesus dixit ei infirmitas haec non est ad mortem sed pro gloria dei ut glorificetur filius dei per eam

Diligebat autem Jesus Martham et sororem ejus Mariam et Lazarum

Ut autem audivit quia infirmabatur nunc idem mansit in eodem loco duobus diebus

Fremens ergo rursum Jesus in semetipsum venit ad monumentum erat autem spelunca lapis superpositus ei et dixit Jesus tollite lapidem

Dixit ei Martha soror ejus qui mortuus fuerat domine jam fetet quatriduanus enim est

Elevatis Jesus sursum oculis dixit gratias ago tibi pater quoniam audisti me ego autem sciebam quia semper me audis

Haec cum dixisset voce magna clamavit Lazare veni foras et ait

Venit ergo turba multa ad Jesum et non propter eum tantum sed et Lazarum viderent quem suscitavit a mortuis quia multi propter illum abibant ex Judaeis et credebant in Jesum

Cogitaverunt autem principes sacerdotum ut Lazarum interficerent

Martha ergo ut audivit quia Jesus venit occurrit illi Maria autem domi sedebat

Dixit Martha ad Jesum domine si fuisses hic frater meus non fuisset mortuus

Dixit dominus Jesus ego sum resurrectio [et] vita qui credit in me etiam si mortuus fuerit vivet et omnis qui vivit et credit in me non morietur in aeternum

Magna est gloria*

Sancte Lazare Christi martyr audi rogantes servulos et impetratam caelitus tu defer indulgentiam

O beate Lazare sidus aureum domini gratia servorum preces tua suscipe clementia

O beate Lazare praesul egregie et martyr eximie felix domini dilectione veniam peccaminum ab eo dignanter impetra ut digni efficiamur perpete gloria

O beate Lazare ora pro nobis deum qui te fecit participem electorum suorum

Homo erat languens in Bethania nomine Lazarus de quo dominus Jesus discipulis suis ait Lazarus amicus noster dormit eamus ut a somno suscitemus eum

Responderunt discipuli et dixerunt domine si dormit salvus erit tunc Jesus dixit illis manifeste Lazarus mortuus est

Dominus Jesus ante sex dies paschae venit Bethaniam ubi fuerat Lazarus mortuus quem suscitavit Jesus

Convenerunt autem ibi multi Judaeorum ut Lazarum viderent

Occurrerunt Maria et Martha ad Jesum dicentes domine si hic fuisses Lazarus non esset mortuus respondit Jesus Martha si credideris gloriam dei

Videns Jesus turbas flentes infremuit spiritu lacrimatus est et veniens ad locum clamavit voce magna Lazare veni foras et revixit qui erat mortuus

Quam felix es Gallia quam inclyta urbs massila dum excipis eximium dei Lazarum incomparabilem thesaurum super cunctas opes tibi per commodum hic te defendet ab omnibus adversitatibus propriis meritis et conferre plurima beneficiorum praemia

In hujus exceptione pange Christo laudem animo et corde cujus patrociniis illustraberis continuis miraculorum signis

Gloria patri et filio et spiritui sancto

Lazarus amicus noster dormit sed vado ut a somno exsuscitem eum

Domine si hic fuisses Lazarus non esset mortuus ecce jam foetet quatriduanus in monumento

Dixit dominus Jesus manifeste Lazarus mortuus est et gaudium propter vos ut credatis quia erat ibi fereamus ad eum

Multi autem ex Judaeis venerant ad Martham et Mariam ut consolarentur eas de fratre suo

Maria ergo cum venisset ubi erat Jesus cecidit ad pedes ejus et dixit ei domine si fuisses hic non esset mortuus frater meus

Videns dominus flentes sorores Lazari ad monumentum lacrimatus est coram Judaeis et clamabat Lazare venit foras et prodiit ligatus manus et pedes institis et ait dominus Jesus discipulis suis solvite eum et sinite abire

Quam venerandus es egregie dilecte dei Lazare in terris quondam languidus nunc arche poli inclytus roga pro nobis dominum qui te dilexit plurimum ut qui te jam fetidum suscitavit e tumulo nos purget delictorum ab squalore nimio protegat nos benignus ab inferni fetidus quibus te revocavit Christus dei filius