Galliarum principatus Arelati est collatus ob honorem et ornatus Trophimi apostolatus quem a Christo sublimatus vir promeruit beatus cujus precibus placatus Christus nobis propitiatus deleat nostros reatus

Regem regum Jesum Christum adoremus dominum populis qui Galliarum primum sanctum Trophimum praesulem sibique dignum direxit apostolum

Post mirabilem domini salvatoris nostri ad caelos ascensum arelatensis promeruit fidelis plebs abere primum et summum praesulem Trophimum

Apostolico parens praecepto Gallicis civibus catholice documenta ad demonstrandum fidei Jesu Christi domini directus est Trophimus

Ex tunc omnium Arelas urbium existens domina Galliarum praesulem dignissimum virum apostolicum gaudet se promeruisse Trophimum

In omnem terram*

Post gloriosum salvatoris nostri corporeum ad caelum ascensum ab ipsis Trophimus apostolis evangelica ad praedicandum documenta elegi meruit beatissimus

Qui ad sacrae fidei idoneus prius ad scitus est rudimenta ac demum ad evangelii praedicare sacramenta

Vir prudentis ingenii clientium apostoli Pauli pii didascoli ad posse studebat sibi nulli secundus fieri

Semper equidem Trophimus bonus et spiritalibus intentus erat actibus

Praevidens doctor gentium cunctorum prudentissimum discipulorum Trophimum praeconis ad officium secum sumpsit in socium

Apostolus dum cerneret virtute virum crescere deliberat evehere hunc altiore culmine

Gloria patri et filio et spiritui sancto

Nempe Galliarum Trophimus dignus deo et praeclarus extitit apostolus unde Arelas merito nobilitatem tanto se gratulatur praesulae

Quem doctor gentium in fide et veritate in commodum corporis mileti reliquit laborantem

Quanto erga ipsum spiritali studio amoris ferveret pius didascalus intimare studebat

Cum ecce Pauli socius gravissimis languoribus coepit urgeri Trophimus destituique viribus

Plus de magistri obsequiis moeret ad tempus perditis quam de salute corporis

Paulus enim ac Trophimus magister ac discipulus certant piis affectibus gemitibus et fletibus

Unus quod se discipulus non potest sequi pedibus alter quod in doloribus remanet ac languoribus

O quantum doctor gentium a se tristatur socium dilectum sibi Trophimum prae ceteris carissimum per vim divelli febrium

Paulus enim cum fletibus commendat hunc hominibus qui sunt Mileti omnibus in Christum jam credentibus

Gloria patri et filio et spiritui sancto

Ex cujus purissimi sacro fonte fidei processerunt fluvii qui rigarunt maximas regiones Gallicas

A quo ergo verba vitae Galliarum populi perceperunt hunc prae cunctis semper scimus deprecantur subditi quo pro illis interpellet majestatem domini

Divinae manifestus gratiae favor Arelarensi adesse dinoscitur ecclesiae cui talem contigit habere praesulem per quem intra Gallias apostolice privilegia dignitatis prima promeruit

Parvo peracto tempore magister absens corpore pro maximo solamine salutat hunc ex nomine

Ne qua forte maestitia se Trophimus afficiat per apicum notitiam suam intimat gratiam

Trophimus ut convaluit magistro sicut decuit quo rumor illum prodiit illuc se praesens obtulit

Tellure pontoque discurrit Romae docentem invenit

Perfectum Christo famulum Petrus et Paulus Trophimum perficiunt in cathedra pontificali gratia quem dirigavit ad Gallias et nationes Barbaras quo fidem Christi praedicet ecclesiasque fabricet

Primo quidem Arelato praedicavit populum hinc ad plures suos gentes dirigit discipulos

Gloria patri et filio et spiritui sancto

Evangelici semina germinis Trophimi studio beati agente praesulis habunde eum caperet Arelas replevere Gallias et urbes contigulas

Omnibus etenim notum est quod prima inter Gallias Trophimum Arelas a Petro apostolo accipere apostolicae ordine dignitatis sublimatum primum et summum promeruit sacerdotem

Bonum fidei et religionis religionis post Arelatem referram copia santionis apostolice Trophimus documenta institutionis regionibus paulatum in fudit Gallicanis

Jure igitur ea urbs semper sancte deitatis apicem obtinuit quo nostre primicias religionis in Jesu Christi famislo prima promeruit Trophimo

Apostolica sibi vice credita per Galliarum sigulas constructis ecclesiis urbes sacerdotes ac ministros domini apostolis Jesu Christi constituit Triphimus

Apostolorum principis perfectum ex discipulis directum ab apostolis accepto jure praesulis apostolum in Galliis nunc Trophimum assiduis veneremur obsequiis ut ejus nos suffragiis ab omnibus contagiis Christus mundos cum angelis aeternis jungat gaudiis

Cum Jesu Christi famulus verissimus apostoliis Galliarum Trophimus evangelicis novale gentilium sulcaret ligonibus circumquaque regionibus plures reges surrexit in omnibus ejus quoque nos suffulti intercessionibus in aeternum sanctis jungi increamur omnibus