Dixit Ruben fratribus suis numquid non dixi vobis nolite peccare in puerum et non audistis me

Tollite hinc vobiscum munera et ite ad dominum terrae et cum inveneritis adorate eum super terram deus autem meus faciat vobis eum placabilem et remittat et hunc fratrem vestrum vobiscum et eum quem tenet in vinculis

Tollite de fructibus terrae in vasis vestris et deferte viro munera

Lamentabatur Jacob de duobus filiis suis dicens heu me dolens sum de Joseph perdito et tristis nimis de Benjamin ducto pro alimonio precor caelestem regem ut me dolentem nimium faciat eos cernere

Prosternens se Jacob vehementer cum lacrimis pronus in terra et adorans ait

Gloria et honor deo sit consolatori fidelium nunc et semper et aeterna saecula amen