Erue a framea deus animam meam et de manu canis unicam meam

Pacifice loquebantur mihi inimici mei et in ira molesti erant mihi vidisti domine ne sileas ne discedas a me

Et adversum me laetati sunt et convenerunt congregati sunt super me flagella et ignoravi

Tota die contristatus ingrediebar domine quoniam anima mea completa est illusionibus et vim faciebant qui quaerebant animam meam

Et qui inquirebant mala mihi locuti sunt vanitates et dolos tota die meditabantur

Circumdederunt me*

Ne avertas faciem tuam a puero tuo domine quoniam tribulor velociter exaudi me

Intende animae meae et libera eam

Vide quia tribulor velociter exaudi me intende animae meae et libera eam propter inimicos meos eripe me domine

Eripe me de inimicis meis deus meus et ab insurgentibus in me libera me