Ego sum panis vivus dicit dominus qui de caelo descendi si quis manducaverit ex hoc pane vivet in aeternum et panis quem ego dabo caro mea est pro mundi vita alleluia alleluia

Convocatis Jesus duodecim discipulis dedit illis virtutem et potestatem super omnia daemonia et ut languores nostros curaret et misit illos praedicare regnum dei et sanare infirmos alleluia

Egressi autem circuibant per castella evangelizantes et curantes infirmos alleluia

Factum est in una dierum et Jesus sedebat docens et erant pharisaei sedentes et legis doctores qui venerant ex omni castello Galilaeae et Judaeae et Jerusalem et virtus erat domini ad sanandum eos alleluia

Ait Jesus paralytico surge tolle lectum tuum et vade in domum tuam alleluia