Quomodo ceciderunt robusti et perierunt arma bellica

Peccavi super numerum harenae maris et multiplicata sunt peccata mea et non sum dignus videre altitudinem caeli prae multitudine iniquitatis meae quoniam irritavi iram tuam et malum coram te feci

Quoniam iniquitatem meam ego cognosco et peccatum meum contra me est semper tibi soli peccavi

Recordare domine testamenti tui et dic angelo percutienti cesset jam manus tua ut non desoletur terra et ne perdas omnem animam vivam

Quiescat domine ira tua a populo tuo et a civitate sancta tua

Dixit autem David ad Gad artor nimis sed melius est incidere in manus domini multae enim misericordiae ejus sunt quam in manus hominum